Trazo, 29 de xullo do 2020 – O Partido Popular de Trazo e a agrupación independente Somos Trazo chegaron a un preacordo de goberno que contará con maioría absoluta.
Nas eleccións municipais do pasado ano o Partido Popular de Trazo conseguía cinco edís que non eran suficientes antes os 3 do Psoe, os 2 de Somos Trazo e o alcanzado polo BNG. Desde o primeiro momento os rumores apuntan a un acordo como o actual que tardou un ano en producirse.
Somos Trazo está liderado por Manuel Pereiro que deixara o PP pouco antes das eleccións. En virtude da resolución, emitida onte desd o concello, Pereiro pasa a ser o Primeiro tenente de alcalde, o popular Manuel Castiñeiras o segundo e o seguinte na lista de Somos Trazo, José Manuel Liste, o terceiro.
No comunicado emitido por ambas formacións nas redes sociais dise que “O Partido Popular de Trazo e a agrupación electoral Somos Trazo, anuncian o seu compromiso para gobernar conxuntamente o Concello” e rematan o breve texto explicando que “o obxectivo non é outro que lograr puntos de encontro en favor de tódolos habitantes do municipio, sempre dende o traballo conxunto e o esforzo”.
