Trazo, 3 de xuño do 2022 – O Psoe de Trazo ven de preguntarlle o concello os motivos polos que desde a Dirección Xeral de Saúde Pública recomendase non bañarse en Chaián.
A praia fluvial de Chaién é unha das máis visitadas da contorna. O socialistas queren saber porque as análises recollen unha contaminación microbiolóxica da auga da área recreativa que multiplica por 10 os resultados normais doutras áreas da comarca.
O secretario xeral dos socialistas de Trazo, Jorge Noya Pereiro, considera que “estamos ante unha situación de moita gravidade nunha das zonas máis turísticas de Trazo, como é a área de Chaián, e xusto cando comeza a época de verán”.
Noya engade que o concello “o Concello nin informou nin dixo absolutamente nada, cando as análises están datadas do 17 de maio e ata houbo un pleno ordinario de por medio”.
Os resultados dos controis microbiolóxicos das augas da zona de baño de Chaián dan uns resultados de 1.100 NMP/100 ML en escherichia coli (bacteria que se atopa nos intestinos de persoas e animais) e de 340 NMP/100 ML en enterococo intestinal (bacteria fecal). Un informe no que os resultados máis elevados, pero aceptados dentro dos estándares de seguridade, son os do río Furelos en Melide (270 e 53) ou do propio río Tambre en Tapia (Ames, 180 e 9). Unhas cifras que a área recreativa de Chaián multiplica por dez.
Na bateria de preguntas presentada polos socialistas queren saber desde cando se coñecen os datos tal e como explica Jorge Noya “Queremos que a alcaldesa nos diga dende cando ten coñecemento desta cuestión e que medidas vai a tomar a cabo para revertela, O Concello tamén debe explicar como se puido chegar a esta situación nunha das áreas naturais máis fermosas do municipio e de se vai avisar á xente ou a poñer cartelería informando de que non está recomendado bañarse na zona”.
