Touro segue, polo que se ve, eliminando a distopía dos últimos meses e tras dar pasos para reiniciar a loita contra a mina agora revivirá o pleno do 9 de novembro no que asignou soldo ao alcalde grazas á expulsión do voceiro do PP.
Desde que o Movemento Veciñal de Touro chegara á alcaldía, grazas ao apoio do Partido Galeguista e o BNG, as relacións coa oposición e con membros do seu grupo foron deteriorándose.
En novembro do 2023 chega a pleno a asignación do soldo de Roberto Castro como rexedor. Algo que non estaba garantido cos votos do equipo de goberno. O PP, que xa tivera a mesma discusión en plenos anteriores, queixase dos sitios que se lles asignan e o voceiros, Jesús Reboredo, négase a acatar a distribución.
O debate deriva nunha á orde por parte do alcalde, Roberto Castro, que acaba por expulsar ao voceiro popular. A negativa a irse fai que o rexedor chame á Garda Civil que o acaba retirando do pleno.
Esta expulsión propicia un empate a 5 nas votacións de asignación do soldo, empate que dirime o voto de calidade do alcalde. O actual alcalde, Jesús Reboredo, presentou un recurso contencioso administrativo que rematou cunha sentencia que anulaba o pleno e obrigaba a repetilo.
A sentencia indica que o Roberto Castro, en aquel momento alcalde, non realizou unha segunda chamada á orde advertindo de unha terceira significaría expulsión, algo obrigatorio. Tampouco, di a sentencia, a actitude do voceiro popular Jesús Reboredo, afectase á orde da sesión. Por estes motivos a sentencia obriga á repetición de aquel pleno e anula tódalas decisións tomadas aquel día.
Hoxe celebrase ese pleno extraordinario que substituirá ao de novembro do 2023. Queda por saber que sucederá co soldo xa cobrado polo ex alcalde Roberto Castro. Se por un lado tería que devolvelo outras opinións explican que o traballo como alcalde foi realizado e polo tanto ten dereito ao soldo. UN novo capitulo que se verá nos vindeiros meses.
