Bisbarra, 24 de outubro do 2022 – O grupo socialista de Touro ven de solicitar unha xuntanza coa xerencia do Sergas para esixir que se manteña o servizo de Pediatría no concello.
A voceira socialista de Touro, Gemma López, explica que “Despois das declaracións realizadas pola nova xerente do Sergas, Estrella López-Pardo, afirmando que non pode haber un pediatra en cada centro de saúde, non nos imos quedar de brazos cruzados”.
Os socialista lembran que nos últimos anos o servizo de pediatría viuse envolto en distintas polémicas. A falta de persoal obrigou ás familias, en varias ocasións. A acudir cos cativos a centros de saúde doutros concellos.
O PSdeG-PSOE de Touro insta desta forma ao goberno do PP de Touro a que “dea a cara polos seus veciños e veciñas” e que se antepoña a un posible recorte e a un posible empeoramento do Servizo de Pediatría.
Agardan ademais dende o Grupo Socialista que Ignacio Codesido exerza o seu papel de alcalde e que solicite tamén unha xuntanza para esixir á Xunta de Galicia o bo funcionamento do Servizo de Pediatría no Centro de Saúde de Touro.
“Trasladaremos tamén a nosa preocupación ao Grupo Parlamentario do PSdeG-PSOE para que tomen as medidas necesarias”, suliña Gemma López, que engade: “Xa está ben de quitar médicos nos Centros de Saúde”.
