Touro, 26/06/2026 – Tras os cambios no Tribunal Superior de Xustiza de Galicia (TSXG) no mes de marzo, e a estimación dun recurso presentado por Cobre San rafael, o novo proxecto para a Mina de Touro volveu case que o principio como xa contamos en Lindeiros.
Unha das preocupacións do concello de Touro, en especial da Concellería de Medio Ambiente que lidera Darío Rey, era conseguir estar presentes como administracións ou como particulares no proceso e ter acceso á información actual e a que chegue.
Por esas razóns ofrecen á veciñanza unha serie de modelos oficiais de alegacións cos que recorrer as denegacións de persoa interesada no procedemento administrativo de autorización do PIE Cobre San Rafael, así como en todos os procedementos conexos.
Apoio desde o Concello de Touro
Os servizos xurídicos contratados polo concello elaboraron os diferentes modelos xa que, tras revisar as denegacións, conclúen que vulneran dereitos fundamentais. A veciñanza contará coa axuda de persoal municipal para cubrir e rexistrar correctamente as solicitudes.
Desde o concello faise fincapé en que hai un mes de prazo, desde que se notifica á persoa a denegación. para a presentación dos recursos de alzada. O concello indica á veciñanza de Touro os pasos a dar para presentar os modelos de alegación de xeito correcto.
Dado que os tipos de denegación varían o concello ofrece seis modelos de alegación. O primeiro é para as persoas afectadas pola liña eléctrica. O segundo para os propietarios de terreos ou calquera ben afectado polo proxecto mineiro ou que desenvolvan algunha actividade económica na zona. No caso tres trátase de residentes moi próximos, con bens afectados e/ou actividades económicas. exemplo veciños Arinteiro.
O caso catro é específico para comunidade de augas. O caso cinco para empadroados en Touro en xeral e o seis para veciños con moita proximidade ás vivendas, exemplo Bama.
Pasos previos
Desde o concello de Touro tamén se indica que antes de presentar as alegacións no rexistro e preciso elixir o modelo axeitado e completar os datos persoais. Ademais de datos de contacto e identificación (DNI; correo electrónico, teléfono…) poderanse engadir
O concello de Touro asesorará á veciñanza nun proceso que se presenta longo e complexo. Hai que ter en conta que algúns dos maxistrados apartados das salas tras o relevo da cúpula do TSXG presentaron alegacións a eses cambios. Todo apunta a que a batalla xudicial, non so no caso da mina de Touro, tamén nos proxectos eólicos, xogarase en dúas frontes interna e externa.
