Despois da moción de censura o novo goberno de Touro comeza a camiñar con precaución e intenta deixar claros eses primeiros pasos.
Esta semana aparecía a nova dunha visita do novo alcalde de Touro, Jesús Reboredo, visitaba os terreos da mina o que causou non poucos comentarios a raíz dunha publicación en prensa. Nun comunicado o goberno aclara que “a visita non garda relación co actual proxecto en tramitación, o obxectivo é coñecer o estado dos terreos mineiros e a súa situación”.
O comunicado segue dicindo que “o concello de Touro considera necesario precisar que a asistencia do alcalde foi exclusivamente de carácter informativo para coñecer o estado dos terreos”.
Comisión informativa de medio ambiente
O concello celebrou ademais a comisión informativa de medio ambiente, presidida polo concelleiro non adscrito Darío Rey. Tódolos grupos tiveron a oportunidade de dar a súa opinión sobre a situación medio ambiental de Touro e cales son as medidas claves para coidalo e melloralo.
Dario rey comunicou que q concellería de medio ambiente do Concello de Touro “trasladaralle ao órgano substantivo na tramitación do proxecto da mina a necesidade de considerar interesados a todos os veciños de Touro e O Pino, sen trámites burocráticos adicionais, de xeito automático”.
O concello axilizará os trámites, en punto morto polo anterior goberno, para instalar estacións medidoras dos cheiros nos puntos máis afectados. Por outra banda inicia o procedemento para persoarse nos procedementos abertos e que o concello sexa parte acudida nas causas relacionadas ca mina de Touro.
