Un día despois da visita do Presidente da Deputación, asina un novo decreto aprobando o POS adicional pese a que ten que ser aprobado polo pleno se quere que sexa admitido .
Roberto Castro, do Movemento Veciñal de Touro e alcalde en minoría, repite xogada e aproba por decreto o POS adicional pese a que non serve de nada. O seu equipo de goberno non conseguira aprobar o POS do Plan Único en Pleno o que levou á perda de 753.000 euros.
Desde a Deputación comunicóuselle que as bases dos Plan Único non contemplan outra aprobación que non sexa en sesión plenaria polo que o decreto non servía de nada. Tras o ofrecemento de mediación do presidente da Deputación, o socialista Valentín González, Castro repite a mesma acción e emite un novo decreto que, como é lóxico, tampouco serve de nada.
A pasada semana tivo lugar un pleno no que este tema volveu a xurdir. En este caso si que o alcalde fixo un xesto e convocou de viva voz unha xunta de voceiros. Algo que, como explicou o concelleiro non adscrito Darío Rey, segue sendo irregular xa que a xunta de voceiros nunca chegou a constituírse.
A falta de acordo sobre a aprobación do POS adicional pode levar á perda de outros 250.000 euros para Touro. Unha situación única na provincia como xa o foi a perda dos anteriores fondos. Se da reunión dos voceiros, e do concelleiro non adscrito, non sae un acordo Touro acabará perdendo este ano máis dun millón de euros para obras, gasto social e gasto corrente.
About the Author
