займ срочно

VI Morada de Bama en Touro

0

Bisbarra, 27 de abril do 2023 – A Asociación Cultural A Pinguela, de Touro, organiza o vindeiro 6 de maio a VI Morada de Bama no campo da festa de esa parroquia.

A Morada comezará ás 6 da tarde, cando abra as súas portas o espazo de artesanía. En ese momento comezará tamén o espectáculo infantil “Rilo e Penadique”. No lugar estarán dispoñibles os xogos da Asociación Galega do Xogo Popular e Tradicional. Actividades ofrecidas coa colaboración da empresa Deleite.

Xa as sete da tarde terá lugar un Obradoiro de baile impartido por Alex Martínez. Unha oportunidade única para aprender o básico do baile solto e desenvolverse nunha foliada sen problemas.

Ás 8 da tarde comezarán as actuacións da morada, con seis grupos chegados de diferentes puntos de Galicia; Brincadeira de Carbia de Vila de Cruces; Silva Verde do Castiñeiriño en Compostela; A Fonte de Merlán de Palas de Rei; Arrancadeira da Pobra do Caramiñal e os anfitrións, A Pinguela de Bama.

As actuacións programadas rematarán co espectáculo do grupo de Vedra A Requinta da Laxeira, actuación enmarcada dentro da Rede Cultural da Deputación da Coruña.

No medio das actuacións realizaranse varios sorteos con produtos doados por algúns dos patrocinadores. Por último, foliada aberta onde calquera persoa ou grupo poderá saír a tocar para que a luz do día nos pille bailando!

Todo estará conducido por Lito de Arzúa, coñecido humorista do Luar, que será o encargado de presentar os diferentes grupos cun bo toque de humor e retranca.

A cantina xestionada pola asociación ofrecerá bebida e bocadillos a prezos populares. Como novidade, este ano estará tamén a Pulpería Constante de Silleda para os que queiran cear un bo polbo á feira.

Por si os que queiran participar teñen medo da choiva haberá unha ampla carpa e ademais reservarase unha zona para acampada, con espazo para tendas, furgos e caravanas.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies