A Plataforma Mina Touro O Pino NON xa tivo que demostrar que eran persoas interesadas no ano 2018 e agora pídeselles de novo a demostración
A realidade as veces demostra que existen universos paralelos. Mentres ninguén cuestiona os problemas económicos, a día de hoxe, de Cobre San Rafael e eles din que o diñeiro chegará cando teñan o permiso; a tramitación da autorización segue adiante.
Desde a Xunta nadan e gardan a roupa xa que explican que si a empresa e insolvente ten que disolverse pero que Ecoloxistas en Acción, que ven de presentar o informe que demostra a insolvencia, non é a autoridade competente para decidir iso.
Mentres esta batalla continúa a veciñanza ve como a loita, aletargada durante un tempo, volve a ser precisa ao recibir desde a Xefatura territorial de minas da Coruña cartas para que acrediten, unha vez máis, que son persoas “interesadas” no “procedemento” do proxecto mineiro.
Desde a Plataforma o consideran unha burla “xa pasamos por ese trámite en 2018 e o noso traballo e tempo nos costou, tivemos a sensación de ser unha especie de delincuentes por querer ter acceso ao expediente completo que nos quería vir quitar as augas, as terras…, e que nunca conseguimos. Agora volven a pedirnos que demostremos que podemos ser considerados persoas interesadas”.
A Plataforma lembra que no DOGA do 22 de novembro de 2024 publicouse unha relación de persoas que residen no concello e “deberían ser consideradas interesadas de oficio, resulta indignante dicirlle a alguén a quen lle queren expropiar fincas, ou traídas de auga, ou que lle van poñer unha balsa de lodos con risco de rotura extrema a 300 metros da casa, que demostre ser persoa interesada. Este proxecto xa foi avaliado, declarado desfavorable, e xa obtivemos o recoñecemento, debería dárselle xa carpetazo”.
A veciñanza lembra ademais que o proxecto que se quere aprobar “Eliminará máis de 50 captacións de auga, pública e privada, que abastece a máis de 500 persoas e as súas actividades económicas, contempla ata 7 puntos de vertidos, ademais dos que xa existen, das recollidas nas cortas os depósitos de estériles de planta, nas escorrentías nas pistas mineiras e na escombreira PAG, tratadas quimicamente que irán aos ríos Pucheiras, Barral, Burgo, Portapego e Felisa, camiño do río Ulla”.
