Touro, 30 de novembro do 2021 – O Concello de Touro está rehabilitando nas últimas semanas os centros sociais das parroquias de Vilar, Prevediños, Loxo e Calvos.
Os arranxos nos centros comezaron a fnais do verán e continúan hoxe en día. O obxectivo e acondicionar os edificios para o uso da veciñanza. A mellora dos accesos e a habitabilidade forn algunhas das melloras acometidas.
No Centro Social de Vilar dotouse ao edificio dun acceso a través dunha nova rampa e cambiouse a porta de entrada. Tamén foi pintado todo o interior e fíxose un baño novo.
No de Prevediños, no que ainda se traballa, constrúense uns baños novos e a rampa de acceso para persoas con discapacidade xa está rematada.
Pola outra banda, o interior do centro social da parroquia de Loxo foi pintado na súa totalidade e reparouse unha parede lateral que filtraba humidades. Tamén está arranxado o falso teito e a chimenea, que filtraba humidades.
Por último, o centro social de Calvos, no que o interior foi tamén pintado na súa totalidade, conta cun novo baño, a cociña tamén foi renovada e fíxose unha lareira.
Os centros sociais das parroquias de Touro son utilizados pola veciñanza para uso lúdico e cultural e tamén son empregados nas diferentes eleccións como colexio electoral.
