Teo, 19 de maio do 2020 – O concello de Teo traballa estes días para solucionar os problemas de turbidez na auga detectados en varios puntos do municipio.
Según o concello esta turbidez ten a súa orixe “nunha gran mancha de barro que afecta ao río Ulla, de orixe descoñecida segundo indican dende Augas de Galicia, e que fixo imposible o correcto tratamento na ETAP de Pontevea”.
O Servizo municipal de Augas do Concello realizou traballos na rede durante a fin de semana co fin de minimizar os problemas para as persoas usuarias.
Tamén se informa de que “a auga servida, a pesar de superar o límite de turbidez marcado no RD140/2003, é apta para o consumo”.
