Bisbarra, 29 de novembro do 2022 – O concello de Teo pídelle á empresa Toysal un informe sectorial antes de emitir autorización para pechar a pista da canteira da Casalonga.
Despois de que a empresa presentara no concello a comunicación previa, necesaria para pechar a canteira, o concello remitiulle a Toysal un escrito solicitando nova documentación. A empresa respondeu xa pero ante a falta de algúns dos documentos o concello emitirá un novo requerimento..
Informe sectorial e descrición gráfica
Os servizos xurídicos do concello solicitaron un informe sectorial emitido polo titular da estrada DP-0205, a Deputación da Coruña. Tamén que se complete a memoria técnica cunha definición gráfica máis detallada dos portais que pretende instalar. que se complete a memoria técnica cunha definición gráfica máis detallada dos portais que pretende instalar.
Desde o concello explícase que mentres Toysal non remita a documentación no pode pechar a pista. Por outra banda dende o goberno municipal amósase unha fonda preocupación pola modificación do artigo 35 e a incorporación do artigo 146 bis na Lei do Solo de Galicia (Lei 2/2016) a través da Lei de Medidas Fiscais e Administrativas que acompañan o proxecto de orzamentos da Xunta de Galicia do 2023 xa que estas modificacións supoñen a eliminación do papel fiscalizador dos funcionarios municipais no outorgamento de licenzas e permitindo en solo rústico instalacións de xestión e tratamento de residuos sexan públicas (como ata agora) ou privadas.
