Este calendario de roteiros que percorren o curso do Ulla pasa por 17 concellos e terá a primeira andaina o vindeiro 11 de maio.
O programa Goza do Ulla naceu no ano 2011 coa participación de cinco concellos (Touro, Boqueixón, Vedra, Santiso e Arzúa). Catorce anos despois toman parte 20 municipios de tres provincias: Lugo Pontevedra e A Coruña.
Na edición 2025 adiantase o calendario xa que o ano pasado comezou en xuño e foi presentado en Turexpo, no marco da Semana Verde de Galicia. Podedes lembralo e saber máis do Goza do Ulla no seguinte enlace https://tinyurl.com/277g6fnl .
Primeira ruta en Teo
Este ano o primeiro sendeiro será o de Teo o vindeiro 11 de maio. Esta ruta lineal discorre pola marxe dereita do río Ulla, aproveitando camiños de paso e sendas de pescadores. Saese desde a ponte da Dorna, na parroquia de Santa María de Teo, ata a ponte da Mariola, no couto de pesca sen morte do Couso.
Un percorrido para desfrutar de lugares tan emblemáticos como a devesa do Agromaior, a burga de Xermeade, a ponte medieval de Pontevea, ou as secuoias do Xirimbao, entre moitos outros. O Goza do Ulla 2025 ten programadas rutas na Estrada, Antas de Ulla, Arzúa, Boqueixón, Catoira, Dodro, Monterroso, Padrón, Palas de Rei, Pontecesures, Rianxo, Santiso, Silleda, Touro, Valga, Vedra, Vila de Cruces, Vilagarcía de Arousa ademais de esta de Teo.
Para inscribirse en esta primeira ruta do Goza do Ulla só tedes que seguir o enlace que aquí deixamos
https://www.teo.gal/inscricion-actividade?activity_id=19303
