займ срочно

Teo demanda melloras no transporte metropolitano

0

Bisbarra, 30 de novembro do 2023 – A alcaldesa de Teo, Lucía Calvo, reuniuse co director xeral de Mobilidade, Ignacio Maestro, na procura de melloras no transporte metropolitano.

Lucía Calvo estivo acompañada pola concelleira de Transportes e Mobilidade, Teresa Castro. Na reunión analizáronse unha serie de peticións remitidas á Xunta sobre o transporte metropolitano que pasa por Teo.

Entre as peticións estaban dar servizo, a primeira hora da mañá, aos núcleos de Coira e Lampai. Tamén se reclamou o adianto das horas de saída de dous servizos na liña da Silva-Santiago E.I., unha petición que foi trasladada ao Concello pola Asociación de veciños de Sampaio de Lampai.

Tamén se pretende incluír novas paradas na liña Grela-A Ramallosa, concretamente nos lugares do Espiño, Bascuas e Ventureira; así como unha nova parada no lugar da Buela á primeira hora da tarde, co fin de dar servizo a toda a veciñanza desa zona.    

O director xeral trasladoulle á alcaldesa que as súas demandas foron valoradas positivamente. Ignacio Maestro engadiu que agora serán enviadas á empresa que presta o servizo para que valore que medias se necesitan para poder aplicar as melloras.

Unha vez implementadas estas melloras o concello de Teo poderá reformular a liña municipal circular do TeoBus para garantir que as zonas rurais teñan tamén conexión co resto do municipio.

As reunións mantidas ata o de agora entre administracións buscan racionalizar os horarios e paradas das actuais liñas, co fin de que sexa un servizo útil para os cidadáns que se desprazan á capital galega.

A alcaldesa salientou que está pendente dunha nova xuntanza coa rexedora santiaguesa para pechar a modificación do actual convenio de buses urbanos. Nesta liña, cabe lembrar que Lucía Calvo solicitoulle expresamente a Sanmartín ampliar a ruta da liña 6 para que o bus chegue ata o Gadis de Cacheiras, en lugar de parar na zona dos Tilos.

A alcaldesa explica que se trata “de mellorar as conexións e ofrecer un servizo de calidade” e insistiu en que é necesario reformular as actuais frecuencias para axustarse ás necesidades da poboación, sobre todo no tocante aos horarios laborais.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies