займ срочно

Teo terá que modificar o PXOM se quere mellorar a seguridade vial en Luou

0

Bisbarra, 9 de novembro do 2023 – A alcaldesa de Teo, Lucía Calvo, e o presidente da Deputación da Coruña, Valentín González, reuníronse para abordar a situación de distintos proxectos de mellora das estradas provinciais no municipio.

Por unha banda falaron da mellora da seguridade vial no núcleo de Luou. Valentín González explicou que o proxecto de humanización nun só tramo da vía, que atravesa Luou, proposto polo anterior goberno municipal non se axusta á tipoloxía das obras que realiza a Deputación nas súas estradas.

A Deputación propón como  solución alternativa a construción dunha variante que permita a circulación nunha estrada ancha e segura e, ao mesmo tempo, a cesión do mencionado tramo ao Concello, que sería o que se encargaría de acometer o proxecto de humanización.

Para realizar esta obra é necesario introducir cambios no PXOM que contemplen esta variante, algo que o Concello de Teo non realizou no anterior mandato e que agora terá que valorar.

Tamén trataron a mellora da DP 8201 que conecta Teo con Rois, Vedra e Padrón. Por esta estrada circulan a diario máis de 2.000 vehículos. A alcaldesa de Teo explicoulle ao presidente da Deputación que é preciso a a eliminación das curvas do denominado tramo do Castrillón, co fin de evitar accidentes.

O Presidente comprometeuse a que os servizos técnicos de Vías e Obras analizarán a situación da vía, especialmente neste tramo de curvas, para buscar solucións que garantan a seguridade do tráfico.

Melloras en San Xián de Sales, Vedra

A Deputación da Coruña vén de publicar na a licitación das obras de mellora de dúas estradas no lugar de San Xián de Sales, no termo municipal de Vedra.

O orzamento para estas obras é de 262.499 euros. As estradas de Vedra recibirán un reforzo da sinalización tanto horizontal coma vertical en tres tramos perigosos, dous da DP 8203 entre os puntos quilométricos 0 e 0+890 e 6+100 e 6+680 e na DP 1202 entre os PK 1+000 e 1+900, incluíndo bandas transversais de alerta, sinais de perigo pola presencia de peóns e de velocidade máxima de circulación.

Na zona de San Xian de Sales, a Deputación construirá un tramo de senda peonil na marxe esquerda da calzada que garanta a seguridade dos viandantes que circulen pola zona, así como zonas de aparcamento de vehículos en liña.

Segundo explicou a deputada de Vías e Obras, Mónica Rodríguez, todas estas actuacións van encamiñadas a incrementar a seguridade tanto do tráfico rodado coma dos peóns.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies