Bisbarra, 21 de marzo do 2023 – O Psoe de Teo quere que se modifique a norma que regula os prezos de aceso ás piscinas públicas para evitar os problemas do ano pasado cos campamentos dos Tilos.
No 2022 os nenos que asistían ao campamento da asociación ARCO Os Tilos no puideron acceder a estas piscinas con tarifa reducida por non estar contemplado na ordenanza. O regulamento data do ano 2013 e non prevé excepcións como sería a dun campamento de conciliación organizado por unha asociación.
Ata o ano pasado existía un acordo polo que os nenos accedían ás instalacións e ARCO encargábase da xestión da bibliopiscina. Coa finalización de ese acordo, que os nenos acudiran á piscina, aboando a asociación o prezo completo, era algo inasumible.
Por este motivo o grupo socialista de Teo presentou por rexistro unha pregunta para ser respondida no vindeiro pleno sobre cando e de que modo pensa o goberno municipal modificar a ordenanza.
O Psoe solicita que se engada un epígrafe que contemple a redución do prezo público de aqueles nenos que participen nos mencionados campamentos. Engaden que “dita redución, individual ou grupal, podería ser destinada, por exemplo, ao uso en horario de mañá das piscinas municipais, por calquera entidade inscrita no Rexistro de Asociacións de Teo, ou asociación de interese público e que realicen actividades de conciliación”.
O Psoe lembra ademais que a ordenanza xa recibiu tres modificacións anteriormente polo que un cambio máis sería posible e nada extraordinario.
