Bisbarra, 16 de marzo do 2023 – A Xunta comeza a responder ás alegacións presentadas, desde distintos partidos, ao proxecto de reforma de paradas de bus varios lugares de Teo.
O proxecto de paradas levantou polémica desde o primeiro momento en que se coñeceu pola eliminación de prazas de aparcamento. Os comerciantes queixáronse e o asunto acabou nun pleno e na presentación de disintas alegacións.
O Partido Popular anunciaba nas súas redes socias que finamente se reduciría en 8 o número de prazas de aparcamento que se eliminarían, aínda que posteriormente editaban a publicación cambiando “oito” por “amortizaranse as mínimas e imprescindibles”. Ao mesmo tempo criticaba que o goberno municipal non forma capaz de crear aparcamentos na zona de cacheiras en esta lexislatura.
Melloras pero non tantas
Desde o Psoe critican o triunfalismo do Partido Popular e se preguntan onde estaban cando o proxecto era redactado. Nunha nota de prensa din que “Si desde a Xunta consultaron co PP local cando se preparaba o proxecto e agora teñen que andar alegando algo non funciona e se non o fixeron é aínda máis preocupante”.
Os socialistas tamén recibiron a resposta as súas alegacións. Valoran “de xeito positivo” a eliminación da parada da gasolineira de Pontevea e garantía de buscar unha “solución técnica axeitada” na zona da perruqueira Yolanda Tejo.
Por outra parte critican que a redución de prazas “segue a ser moi importante en Cacheiras. A solución segue sendo o aparcamento municipal polo que os comerciantes seguen esperando. O Psoe lembra que no último pleno o goberno municipal explicou que segue cos trámites pero non hai datas coñecidas para a súa apertura”.
