Bisbarra, 24 de outubro do 2022 – A Plataforma Casalonga Limpa de Residuos apela a unidade veciñal a chama a unidade ante o posible peche da pista da canteira.
Nun comunicado a Plataforma repasa os feitos das últimas semanas e recoñece a división que existe na actualidade entre a representación veciñal e o goberno municipal. Para o colectivo esas diferenzas “botan por terra calquera posibilidade de explorar esa vía antes das eleccións municipais de maio”.
Consideran tamén que a petición da empresa para pechar a pista da canteira só persegue “embarrar o terreo”. No comunicado a Plataforma apela “á necesidade de iniciar unha negociación entre as partes implicadas para atopar unha solución definitiva ao problema de A Casalonga”.
O colectivo pide tamén ao equipo de goberno “que non abandone ningunha das vías xudiciais abertas e que cumpra a palabra dada na comisión informativa de levar a expropiación da pista, que entendemos non axustada a dereito, á vía civil”.
Na reunión da plataforma mantida hai dúas semanas unha das preocupacións, expostas tanto pola directiva como polos veciños, era non saber que quería Toysal. No encontro esa preocupación concretábase no feito de que aínda conseguindo que a empresa marchara da canteira iso non aclaraba que sucedería despois.
A directiva lembraba en aquel acto que só se os terreos son públicos poderán ser expropiados. O feito de que a empresa marche podería derivar na venda dos terreos a outra compañía disposta a esperar o tempo necesario para recuperar a actividade.
