O concello de Teo faise eco das denuncias das xogadoras do SR Calo, expostas nun comunicado, e tras falar coa directiva valora pechar as instalacións. Lembra ao mesmo tempo que se trata dun problema herdado e que se veñen facendo investimentos en este mandato.
O goberno municipal non oculta a sorpresa polo comunicado xa que “as relacions entre goberno local e a directiva do club de fútbol S.R. Calo sempre foron moi cordiais e directas”.
Teo lembra ademias que ten consignados 200.000 euros dos orzamentos municipais de 2026 para o cambio do céspede no campo do Rebordelo, en Calo. O actual equipo de Goberno é coñecedor da situación do campo “desde o momento en que entrou a gobernar, xa que este problema foi herdado do anterior executivo”.
O Concello é coñecedor da actual situación do campo municipal desde a súa chegada ao goberno, pois se trata dun problema que xa veu herdado do anterior executivo. En 2019 foi recepcionada a obra de instalación de céspede artificial e rega no campo de fútbol de Calo, unha actuación que costou un total de 224.939 euros
O apoio dado en este mandato á SR Calo “viuse reflexado nas actuacións levadas a cabo desde que o actual equipo de Goberno tomou posesión. Entre elas, o arranxo do muro exterior e outras deficiencias menores, que supuxeron un investimento para o Consistorio de case 24.500 euros, así como a adecuación dos vestiarios”.
A problemática do cambio de céspede tamén estivo moi presente nas distintas xuntanzas mantidas coa directiva. A obra do 2019 supuxo 5.990 metros cadrados de céspede artificial que cumpría cos criterios de FIFA Quality PRO e a norma UNE 15330-1, porén, en menos de cinco anos xa estaba en pésimas condicións.
Ante esa situación, o Concello púxose en contacto coa empresa adxudicataria para abordar esta deficiencia e que repoñan o material danado. Nestes momentos, estase en negociacións para o dito cambio de céspede e de non chegar a acordo, o Concello xudicializará o tema.
A pesar diso, o goberno local levou a cabo varias actuacións e melloras puntuais no terreo para que se puidera desenvolver con certa normalidade a práctica deportiva. Ata o de agora, o club desenvolvía a súa actividade con normalidade, incluso nestas datas de Nadal solicitou poder realizar un campus para os xogadores máis pequenos, petición que foi aceptada polo Concello.
Agora, ante a preocupación dos xogadores e xogadoras polas condicións do terreo, e como medida preventiva ante posibles lesións ou outras incidencias, das cales o Concello non tivo coñecemento de ningunha ata a data, o Executivo local está estudando a posibilidade de pechar as ditas instalacións e derivar os entrenos dos case 350 deportistas a outros campos municipais. Unha decisión que se tomará logo de manter, nos vindeiros días, unha xuntanza coa directiva do club.
