займ срочно

Teo poderá mellorar as paradas de autobús do sur do concello

0

Bisbarra, 9 de xaneiro do 2024 – A Xunta de Galicia aceptou as alegacións presentadas polo Partido Popular na anterior lexislatura e poderá mellorar as paradas de autobús do sur do concello de Teo.

O obxectivo e mellorar a accesibilidade e conectividade das paradas de bus situadas na zona de Pontevea e Cacheiras. Os cambios son froito das reunións mantidas no seu día coa veciñanza da zona e coa asociación de empresarios afectados.  

A parada que estaba prevista ao carón do establecemento Pernas (15082-25-2 Pontevea) non se vai levar a cabo porque afectaría ao normal desenvolvemento da actividade comercial do entorno, quedando polo tanto anulada a súa proxección.

Por outra banda a parada 15082-25-1, tamén en Pontevea, será redeseñada na redacción do proxecto de construción, reducindo a afección ao aparcadoiro lindante e dando cumprimento á normativa de accesibilidade, mantendo así as condicións de seguridade da parada.

Tamén se reformará a parada 15082-110-2 Cacheiras-Gardería para minimizar o impacto sobre as prazas de aparcamento polo que trasladarase a marquesiña proxectada.  Cambiarán tamén de situación os colectores de lixo que están situados preto da parada 15082-59-2 Cacheiras-Canaletto para conseguir máis prazas de aparcamento. Por último, tal e como se solicitara, vaise a reducir a lonxitude das cuñas da parada 15082-17-2 Cacheiras (en Travesía de Cacheiras, 89) para eliminar menos prazas de aparcamento.

Desta forma, con estes cambios mellórase a accesibilidade nas paradas, xa que se localizarán en emprazamentos óptimos e con boa visibilidade, reforzando así a seguridade viaria. Pero, ademais, tamén se consegue minorar a anulación de prazas de estacionamento e, de feito, o Goberno local está estudando alternativas para ampliar ditas prazas na AC-841, proporcionando dende o Concello novas zonas de aparcamento co fin de resolver unha problemática existente no municipio dende fai varios anos.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies