Bisbarra, 14 de novembro do 2023 – O concello de Teo comeza os traballos de mellora do campo municipal de fútbol de Calo.
O proxecto arranxará o muro exterior e outras deficiencias menores no interior da instalación deportiva. As obras no campo de Calo supoñen un investimento próximo aos 24.500 euros.
Para financiar parte deste gasto, o Concello beneficiarase dunha axuda de case 19.600 euros da Vicepresidencia Primeira e Consellería de Presidencia, Xustiza e Deportes dentro da liña de subvencións para levar a cabo a reparación, adecuación ou mellora de instalacións deportivas de titularidade municipal.
Así mesmo, esta achega do Executivo galego contempla tamén unha liña para a compra de material deportivo inventariable. No caso de Teo, fóronlle concedidos algo máis de 9.700 euros, dun orzamento presentado de algo máis de 12.000 euros, para a reposición de material nos diferentes pavillóns municipais.
Os traballos no campo municipal de Calo súmase á da cuberta do pavillón deportivo dos Tilos, unha actuación que será financiada integramente pola Xunta de Galicia con 48.300 euros.
