Bisbarra, 26 de xaneiro do 2023 – O vindeiro día 29 o historiador teense Guillermo González Raviña presenta o libro “A casa reitoral de Baamonde e a Batalla de Cacheiras”.
A obra explora desde o eido local o sucedido no 1846. Ademais de esta presentación, as cinco no auditorio Constante Liste, inaugurarase unha mostra pictórica arredor tamén da Batalla de Cacheiras.
A exposición estará aberta ata o 10 de marzo, no auditorio municipal de 10:00 a 14:00 horas. Ademais os venres organizaranse visitas guiadas para grupos e público especializado. As persoas interesadas nestas visitas poden escribir a turismo@teo.gal
O libro de Raviña conta a Batalla entre as forzas provincialistas do comandante Solís contra as tropas monárquicas do xeneral De la Concha, centrándose nos acontecementos nos días previos en Teo. Tamén é unha obra sobre a Reitoral de Bamonde, un dos escenarios deste capítulo histórico, ao ser o lugar no que pasaron a noite De la Concha e parte das tropas da raíña.
O traballo de Raviña complétase cunha serie de ilustracións propias que recrean os citados acontecementos e que se poderán ver na exposición.
