займ срочно

Éxito un ano máis da Feira de San Martiño

0

Bisbarra, 13 de novembro do 2023 – O San Martiño foi un ano máis todo un éxito con gran presenza de público entre o que se encontraba o presidente da Xunta, Alfonso Rueda.

A feira comezou realmente o día anterior. O concello de Teo organizou este ano unha inauguración con dúas novidades destacadas, Por un lado un pregoeiro, o actor e produtor Ruben Riós, do que a alcaldesa, Lucía Calvo, dixo que tiña “unha categoría indiscutible, que foi veciño de Teo e coñece á perfección os valores culturais do municipio. Ademais de ser un gran defensor da cultura galega, promocionándoa e internacionalizándoa a través da súa produtora”.

Por outra banda o concello de Teo presentou tamén a mascota da feira: Martiño, o cabaliño, obra do ilustrador galego Óscar Villán.

A alcaldesa animou aos visitantes a participar das numerosas actividades propostas para a fin de semana, con motivo do día grande. Lucía Calvo salientou que o San Martiño, segue a ser un punto de encontro no mundo ecuestre, tras máis de 500 anos de celebracións. Pero tamén, matizou, un punto de encontro de veciños e veciñas de Teo, así como de xente de fóra, que atopa no San Martiño “unha festa tradicional e cultural ineludible”.

Xa o sábado, día grande, a carballeira de Francos encheuse un ano máis de visitantes coñecidos e descoñecidos, de todo o concello e de toda Galicia. Entre os coñecidos destacou o presidente da Xunta de Galicia, Alfonso Rueda, que percorreu a feira saudando a todo o mundo e mesmo facéndose algunha foto cos vecisños.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies