Teo, 7 de xuño do 2017 – O domingo 11 de xuño, volve a festa da veciñanza de Teo á carballeira de Francos en Calo. O Festeo e a Feira da Terra encherán á carballeira dunha manchea de actividades para persoas de todas as idades.
Música, deporte, teatro, obradoiros e moitas outras propostas conflúen nunha xornada na que participan asociacións de todo o municipio. A Asociación A Carballeira do San Martiño tamén terá o seu espazo destacado para a Feira da Terra.
No espazo do Festeo haberá unha mesa de participación das entidades teenses e haberá polbeiras e postos de comida. O remate da festa, a partir das 20:00 horas, será o concerto da orquestra Os Modernos.
Un dos momentos máis emotivos da xornada será a homenaxe a Malena Suárez, expresidente da ARCOS Tilos, pola súa traxectoria á fronte desa entidade. Este recoñecemento do Concello de Teo e do seu movemento asociativo foi acordado na primeira xuntanza do Consello de Relacións Veciñais que se reuniu en maio e acordou efectuar cada ano unha homenaxe a unha persoa vinculada co movemento asociativo.
Horarios da actividade da feira e das actuacións das asociacións
[tabs]
[tab title=”Xenérica”]De 12:00 a 18:00 horas. Actividade de mercado na Feira de Terra.
Durante a mañá: demostración de palilleiras.
12:00 horas. Actuación da Pontevella.
12:15 horas. Roteiro de herbas comestibles.
12:30 horas. Actuación da agrupación Rosalía de Castro.
13:00 horas. Actuación da SR de Calo.
13:30 horas. Homenaxe á ARC Os Tilos, na persoa da súa ex-presidenta, Malena Suárez Silva.
16:00 horas. Actuación de A Mámoa, Luou.
16:30 horas. Actuación da Coral de Cruceiro do Monte.
17:00 horas. Actuación das Pandereteiras de As Repenicas.
17:15 horas. Grupo de guitarra da ARC Os Tilos.
17:30 horas. Grupo de canto Aleceia.
18:00 horas. Actuación da Banda de Teo.
18:00 horas. Actuación do obradoiro municipal de teatro.[/tab]
[tab title=”Deportes”]De 12:00 a 13:00 horas. Club de Taekwondo Wellness.
De 13:00 a 14:00 horas. Praíña Sporting Club.
De 15:30 a 16:30 horas. Béisbol.
De 16:30 a 17:30 horas. Valentes Fútbol Americano.
De 17:00 a 18:00 horas. Escola de Béisbol e Sóftbol dos Tilos.
De 17:30 a 18:00 horas. Cansport.
De 12:00 a 18:00 horas. Xadrez CSF Teo.[/tab]
[tab title=”Obradoiros”]De 12:15 a 14:00 horas. Obradoiro de cociña da ARC Os Tilos para nenos/as de 5 a 11 anos.
De 16:00 a 18:00 horas. Actividades infantís.
16:30 horas. Obradoiro de gorras.
17:45 horas. Demostración de break dance.
18:30 horas. Actuación da compañía Chévere con Aspamite.[/tab]
[/tabs]
A xornada festiva pecharase coa actuación da orquestra Os Modernos.
