займ срочно

Os Xenerais do Ulla abren o Entroido en Oza

0

Bisbarra, 16 de xaneiro do 2024 – Este ano o Entroido chega, como se acostuma a dicir, moi alto e os Xenerais do Ulla o abrirán o vindeiro día 20 en Oza, Teo.

O Entroido tradicional do Ulla, os Xenerais, comezan a andadura para a que levan un ano traballando. Teo abre deste xeito o Entroido en toda a comarca.  Trátase dunha festa declarada de Interese Turístico de Galicia no 2013 e nela participan, ademais de Teo, A Estrada, Boqueixón, Santiago de Compostela, Silleda, Touro, Vedra e Vila de Cruces.

O mantemento desta tradición é froito do traballo das asociacións e comisións das parroquias participantes, que son os principais impulsores e dinamizadores desta celebración. Os Xenerais de Ulla, as comparas e correos, percorrerán Oza e a partir das sete e media da tarde estarán no campo de fútbol da parroquia.

A seguinte parroquia será Lucí, cuxo atranque está previsto para o sábado 27 de xaneiro ás  19:30 horas no campo da festa. Ao día seguinte, será a quenda de Rarís, cuxo atranque está programado para as 19:30 horas no campo da festa.

Xa en febreiro, o Entroido dos Xenerais da Ulla percorrerán as parroquias de Reis e Cacheiras, ambas con dúas xornadas de celebración. A primeira fin de semana (3 e 4 de febreiro) será en Reis. O sábado o atranque terá lugar no campo da festa, mentres que o domingo será no aparcadoiro municipal. En ambos casos, a partir das 19:30 horas.

Pechará o Entroido a parroquia de Cacheiras, o sábado 10 e domingo 11 de febreiro. Porén, só haberá atranque o domingo a partir das 19:30 horas no campo novo da festa.

Historia

O Entroido dos Xenerais da Ulla remonta as súas orixes á primeira metade do século XIX e baséase nos enfrontamentos bélicos que se viviron na comarca nese período: a invasión do exército napoleónico, a revolución do 1846 ou as guerras carlistas.

As personaxes máis importantes son os xenerais e os correos a cabalo, que percorren as parroquias ao longo do día dando vivas a veciños e visitantes, acompañados dun “exército” de abandeirados, coros, comparsas e parrandas. Rematan escenificando un atranque ou alto, enfrontamento dialéctico por parellas, aproveitado para facer burla e sátira de asuntos locais, de política ou do corazón.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies