Bisbarra, 3 de abril do 2023 – O xulgado arquivou a denuncia que a empresa Toysal, propietaria da canteira da Casalonga en Teo, presentara contra a voceira socialista, Uxía Lemus, e o arquitecto municipal.
A denuncia fora presentada por prevaricación administrativa pola apertura dun expediente de reposición da legalidade. Uxía Lemus, voceira socialista, era en aquel momento a responsable de urbanismo. Ignacio Soto, arquitecto municipal, fora que emitira o informe no que se baseaba a apertura do expediente.
O xulgado, no auto de arquivo da denuncia, explica que non se tratou dunha decisión de carácter “decisorio y ejecutivo sino de mero trámite”. Engade que ante os informes dos funcionarios municipais detectaron unha infracción que foi a que motivou o expediente.
Para o xulgado o inicio do expediente de reposición da legalidade é un acto regulado e polo tanto a responsable de urbanismo, a vista dos informes, tiña que seguir esa vía. O auto explica tamén que a xustiza non pode suplantar a xurisdición dos concellos e que a intervención, de ser necesario, ten que ser mínima.
O grupo socialista di que “confiou desde o primeiro momento no traballo da xustiza que, agora, abala o traballo realizado en esta cuestión tanto por Uxía Lemus, concelleira de urbanismo en aquel momento, como do arquitecto municipal, Ignacio Soto”.
O Psoe aproveita para reclamar que o concello inicie a vía civil no caso da canteira da Casalonga. Para eles trátase dunha decisión que o equipo de goberno “leva pospoñendo meses pese a ser unha das vías aínda abertas para loitar contra a canteira”.
