Bisbarra, 14 de outubro do 2024 – O concello de Teo acollerá a vindeira fin de semana, o sábado 19, un congreso organizado pola Asociación Galega de Fibromialxia (AGAFI) que abordará distintos aspectos desta enfermidade.
As actividades terán lugar no Hotel Congreso e con distintos axentes sociais que traballan a diario na problemática da fibromialxia. O acto de apertura e inauguración será desenvolto pola presidenta de AGAFI, M. Dolores Bermúdez.
O programa de conferencias que se poderán escoitar o vindeiro sábado comeza coa denominada “Balneoterapia e promoción da saúde” a cargo de Juan Jesús Gestal Otero (Profesor emérito de medicina preventiva e Saúde pública, e director da Cátedra de Hidroloxía Médica da USC-Balnearios de Galicia)
A xornada continuará falando do “Certificado de discapacidade: conceptos, recursos e beneficios”, impartida por Juana María Tubío Ordóñez (Traballadora social e Vicesecretaria de COGAMI).
“A fibromialxia e a incapacidade laboral” será a seguinte charla que dará María Pilar Señor Sánchez (Avogada). En este caso ademais da fibromialxia abordarase o tratamento da incapacidade laboral no referente á dor en xeral.
Ao remate das citadas conferencias terá lugar no propio Hotel Congreso un xantar, ao que as persoas que o desexen (sexan ou non socias) poderán anotarse previamente (nos teléfono da asociación 981 57 45 93 e 650 26 17 38).
AGAFI e fibromialxia
AGAFI e únha asociación sen animo de lucro, formada por persoas afectadas por esa doenza (fibromialxia), e persoas voluntarias (afectadas e non afectadas), que colaboran aportando parte do seu tempo para axudar a que todos os proxectos saian adiante.
A fibromialxia consiste nunha enfermidade crónica caracterizada por unha dor xeneralizada que, nalgúns casos, pode chegar a ser incapacítante. ë un problema importante de saúde pola súa elevada prevalencia, morbilidade e polo alto índice de frecúentacion e consumo de recursos sanitarios que orixina.
O 90% dos pacientes son mulleres, e afecta a un 6% dos que acoden as consultas de atención primaria. A fibromialxia caracterízase por: dor xeneralizada que se acompaña de rixidez, cansazo, sono non reparador, falla de concentración, e outras alteracións xerais como son taquicardias, malestar abdominal, sensibilidade a luz e ao son…
É unha enfermidade de orixe descoñecida que non produce alteracións orgánicas, polo que as analíticas, radiografías, …..son normais, baseándose o seu diagnostico no cadro clínico e na exclusión doutras enfermidades. Evoluciona en brotes e non existe tratamento específico, so se tratan os síntomas.
