Bisbarra, 28 de xullo do 2023 – A canteira da Casalonga volve ao primeiro plano da actualidade en Teo ao coñecerse que a empresa reuniuse coa alcaldesa para anunciar o peche da pista de entrada.
No último mes a Plataforma Casalonga Limpa de Residuos publicara unhas imaxes nas que aparecían camións con contedores transitando pola canteira. Ao parecer estaban limpando as marxes da pista pero a preocupación volveu á veciñanza.
No pleno ordinario de este xoves, xa no capitulo de rogos e preguntas, o voceiro de Proxecto Común de Teo preguntaba pola intención da empresa de pechar a pista da canteira e que información se tiña sobre esta cuestión.
A alcaldesa, Lucía Calvo do Partido Popular, mostrábase sorprendida pola pregunta e explicaba que hai meses que o concello recibira a comunicación previa de Toysal de que pecharía a pista, amparándose na sentencia xudicial que lle outorgou a propiedade. Calvo engadía que María López, número 1 da lista do PXCT, en aquel momento era parte do goberno municipal e polo tanto tiña que sabelo
A alcaldesa dicía tamén que se reunira coa empresa acompañada pola secretaria e o arquitecto municipal. Na reunión a empresa comunicara a intención de pechar a pista.
Agora falta por saber cando se fará efectivo o peche e si o novo goberno municipal toma algunha decisión ao respecto do conflito. A única vía que queda aberta e a civil, unha fórmula con poucas posibilidade de funcionar pero que se lle reclamara ao anterior goberno en distintas ocasións.
