Bisbarra, 6 de febreiro do 2025 – A alcaldesa de Teo, Lucía Calvo de la Uz, vén de manter unha xuntanza con técnicos de Adif para revisar o proxecto de instalación de pantallas acústicas en Francos e Osebe.
A veciñanza de estes lugares queixáronse ao concello polo tamaño e á disposición dos elementos de protección contra a contaminación acústica no tramo de alta velocidade que discorre por Teo.
Nesta xuntanza, a rexedora de Teo conseguiu o compromiso dos responsables de obra de revisar a dita afectación ás vivendas e estudar a posibilidade de cambiar os materias das pantallas. Concretamente, á altura das vivendas situadas no lugar de Francos nos números 115 y 117, así como no lugar de Osebe 145.
A propia alcaldesa trasladouse á zona para coñecer estas queixas e peticións e ese mesmo mes, no Pleno de xaneiro, o Goberno aprobaba unha moción de urxencia do Partido Popular para instar ao Ministerio de Transportes e Mobilidade Sostible a revisar os cálculos de illamento e propagación acústica para intentar buscar outra solución que, cumprindo os condicionamentos legais en materia de ruído e contaminación acústica, supoña unha menor afección aos veciños do Concello.
Nesa moción tamén se pedía que, de persistir nas actuais condicións, que esas pantallas sexan translúcidas, para así permitir que a luz solar poida pasar igualmente e sexa menor o impacto visual negativo de cara ás vivendas afectadas.
Pantallas opacas
As pantallas previstas neste proxecto son opacas e dunha altura de máis de 3 metros no caso do lugar de Francos e de 5 metros de altura no lugar de Osebe, altura que sobrepasa en máis de dous metros a actual existente.
A súa colocación coas características previstas no proxecto suporían para as citadas vivendas unha importante perda da calidade na súa iluminación e, mesmo, na súa amplitude visual e, polo tanto, do benestar xeral.
