Skip to content
Lindeiros

Lindeiros

Lindeiros, o xornal da bisbarra de Compostela e da súa capital,

Primary Menu
  • Xeral
  • Axenda
  • Concellos
  • Contacta
  • Axenda
  • Boqueixón
  • Xeral

“Tardeos no Pico Sacro” a proposta de Boqueixón para un verá diferente

Gastronomía, cultura e turismo para poñer en valor o monte Ilicino será o que ofreza “Tardeos no Pico Sacro”

O alcalde de Boqueixón, Ovidio Rodeiro, e o chef Álex Iglesias presentaron os “Tardeos no Pico Sacro”, unha iniciativa do Concello para poñer en valor o seu enclave turístico máis importante, que acaba de ser elixido pola Xunta para converterse en Ben de Interese Cultural, a través dunha nova e completa oferta cultural, turística e gastronómica.

Boqueixón, 10/07/2026 – O alcalde de Boqueixón, Ovidio Rodeiro, e o chef Álex Iglesias presentaron os “Tardeos no Pico Sacro”, unha iniciativa do Concello para poñer en valor o seu enclave turístico máis importante, que acaba de ser elixido pola Xunta para converterse en Ben de Interese Cultural, a través dunha nova e completa oferta cultural, turística e gastronómica.

Ovidio Rodeiro salienta que “comezamos unha nova andaina no Pico Sacro, este monte mítico e lendario, cunha programación moi ambiciosa onde por primeira vez incorporamos un servizo de food-truck e ampliamos a programación cultural para que o visitante poida desfrutar destas fermosas vistas e da posta de sol nas tardes dos venres, sábados e domingos, festivos e vésperas de festivos”.

O alcalde convida non só á veciñanza de Boqueixón senón “ a todas as persoas que queiran coñecer o Pico Sacro con visitas guiadas e degustar os produtos da zona dunha food-truck con pratos inspirados nas nosas tres festas de interese turístico: a Filloa de Lestedo, o Entroido dos Xenerais da Ulla de Sergude e as Carrozas de San Cidre do Oural”.

Food-truck e visitas guiadas

Un punto no que incidiu o propio Álex Iglesias, en cuxa food-truck “Sabores que te suben ao Pico” non só se poderán tomar cafés, augas e refrescos, senón degustar tamén propostas con produtos locais, como unha hamburguesa con queixo Bo Queixo, ou postres como a Tarta de Lestedo ou as filloas de Lestedo con crema e avelá.

Como ben asegura, “cada bocado conta unha festa, cada receita conta Boqueixón”. A food-truck prestará servizo todos os venres, sábados, festivos e vésperas de festivos, en horario de 15:00 a 22:30 horas; así como os domingos, de 12:00 a 20:30 horas.

Paralelamente, o Concello de Boqueixón ofrecerá un servizo de visitas guiadas ao Pico Sacro nos meses de xullo, agosto, setembro e outubro. Unhas visitas de 1 hora de duración nas que o técnico municipal de Turismo presentará aos turistas as múltiples facetas do Pico So O horario das visitas será de mércores a domingo, con saída do aparcamento do Pico Sacro ás 12:00, 16:00, 18:00 e 20:00 horas. En casos, sobre todo, de grupos numerosos recoméndase reservar praza no mail boqueixonturismo@gmail.com ou no 981 513 061.

Actividades

A maiores, o Concello de Boqueixón ten preparada unha ampla programación cultural para dinamizar este espazo con actuacións musicais, recitais, conferencias… Un programa que arrinca este sábado 11 de xullo, ás 10:00 horas. co ciclo “Un mes e Pico” e a sesión “O Pico Sacro e os catro elementos da natureza”, unha iniciativa de conexión co Monte Sagrado a través dos catro elementos da natureza mediante dinámicas de mindfulness, movemento consciente e arteterapia.

Venres 17 de xullo, ás 19:30 horas. Brais das Hortas presenta o seu espectáculo “Consertasso na horta”, dirixido a un público familiar.

Sábado 18 de xullo, ás 19:00 horas. Ciclo “Un mes e Pico”. Conferencia “Historia e lendas do Pico Sacro a través de gravados e imaxes”, con Henrique Neira e Pablo Sanmartín. Capela de San Sebastián.

Domingo 19 de xullo, ás 19:00 horas. Ciclo “Un mes e Pico”. Conferencia “O que fan as montañas sagradas: testemuñas antigas e sentidos presentes desde os Andes”, con Thibault Saintenoy. Capela de San Sebastián.

Venres 24 de xullo, ás 19:00 horas. Ciclo “Un mes e Pico”. Conferencia “Eclipses na historia e nas culturas”, con César González García. Capela de San Sebastián.

Xoves 30 de xullo, ás 20:00 horas. “Noite máxica, noite meiga”, recital poético musical cos poetas Peter Brea, Ivan Pardo (Varviak), Alejandro G Calderón (raizausente) e Ana Valín (Mirlo Blanco). Coa actuación da cantautora María Carolina e unha sesión de pintura en directo a cargo de Miguel Tierra.

Post navigation

Previous: Boqueixón e Touro colaborarán no abastecemento de auga potable
Next: XX Festa do Chourizo ao Viño de Ortoño

Máis novas

compostela arco de mazarelos_good 7 novembro 2026
3 minutes read
  • Compostela

Unha nova vida para o Arco de Mazarelos

ateneo desafios intelixencia artificical 7 novembro 20226
2 minutes read
  • Xeral

Os desafíos da Intelixencia Artificial nos Luns do Ateneo

mancomunidade ordes saida patrimonio 5 novembro 2026
2 minutes read
  • Xeral

Nova saída para coñecer a Mancomunidade de Ordes

bng maes parquing milladoiro 6 novembro 2026
3 minutes read
  • Xeral

As incógnitas do aparcadoiro do Milladoiro

deputacion via verde remata en marzo 6 de novembro 2026 (1)
4 minutes read
  • Xeral

A Vía Verde podería estar rematada en marzo

KD&L
3 minutes read
  • Axenda

Kitty, Daisy e Lewis abren o Outono Códax Festival

Sesión constitutiva IX Lexislatura
3 minutes read
  • Xeral

Os colexios seguen pedindo reformas

Teo: Mara Cajaraville foi afeccionada aos cabalos dende que era moi pequena. Fotos familiares
5 minutes read
  • Xeral

San Martiño 2026

Etiquetas

25N (53) alcaldes (78) asociacións e fundacións (2086) Ciencia (116) Comercio e empresa (665) Coronavirus (278) Crechas (38) Cultura (2831) Curtocircuito (40) Deportes (751) Economía (450) Educación (778) eleccions (50) Emprego (244) Entroido (42) Festas e Feiras (623) Festivais (837) Galego (146) Institucións (1441) lixo (88) Mancomunidade de Ordes (45) Mandingo (92) Medio Ambiente (1626) muller (187) Nadal (200) Obradoiro Cab (79) o máis lido da semana (55) Patrimonio (834) Plataforma Casalonga limpa de residuos (81) Plataforma Veciñal Mina Touro O Pino NON (42) Plenos (738) Politica (951) saúde (534) Servizos (2704) sindicatos (109) Social (567) sucesos (133) Tabernalia (184) Tecnoloxía (46) Transporte e estradas (703) Turismo (223) Universidade (588) urbanismo (265) xuntas de goberno (37) Xustiza (120)
  • Facebook
  • X
  • Instagram
  • BSky
  • Youtube
  • Whatsapp
Copyright © 2026 All rights reserved. | MoreNews by AF themes.

Utilizamos cookies propias e de terceiros para garantir o correcto funcionamento do sitio web, medir o seu uso e mellorar os nosos servizos. Podes aceptar todas as cookies, rexeitar as non necesarias ou configurar as túas preferencias. Política de cookies

Configure cookies

Necesarias para que o sitio web funcione correctamente. Non se poden desactivar desde este panel.

Axudan a medir o uso do sitio web e a mellorar os seus contidos.

Permiten publicidade, medición de campañas ou personalización de anuncios.

Gardan preferencias ou permiten contido externo non necesario.