Santa Comba, 16 de maio do 2019 – A marxe da contenda electoral a Asociación de Empresarios de Santa Comba presenta unha intensa programación para as próximas semanas.
Esta mesma fin de semana os empresarios organizan a décima edición da Ruta de Tapas, onde 9 locais darán a tódolos clientes que estean facendo o roteiro as súas elaboracións, participan A Calenda, Café Bar A Nosa Vila, A Landra, Cafetería Rafael, Cafetería Talladas, Cervecería D’Mara, Cervecería Triskel, Hotel Xallas e Restaurante Tío Paco. Ata o 26 de maio poderase disfrutar de pratos como “tartar”, “carrillera de vaca estofada”, “tosta de ventresca”, “polbo con ameixas e arroz”, “orella ó pimentón”, “o noso cocido”, “pulled de porco”, “timbal de salpicón” ou o “bocado de polbo á galega con queixo san Simón”. Os premios ás mellores tapas daranse a coñecer ao finalizar a Asemblea Xeral da entidade o xoves 30 de maio e procederase ao sorteo dos premios aos mellores tapeadores.
O sábado 1 de xuño ás 22:00 h. terá lugar no Restaurante Leandro de Santa Comba unha cea benéfica a favor da Fundación Pública Galega de Medicina Xenómica, dirixida por D. Angel Carracedo Álvarez. (A Fundación Pública Galega de Medicina Xenómica é unha unidade de investigación dedicada a: Xenética do Cancro, Neuroxenética, Xenética de Enfermidades Cardiovasculares, Xenética Forense, Psiquiatría Xenética e Xenética Evolutiva, entre outras áreas). O prezo da cea benéfica é de 30 euros e xa están a venda os tickets a partir deste nas oficinas da asociación na Rúa Pontevedra nº 9 en Santa Comba, en Foto Teca e PSI Terapia e Formación.
Previamente á cea haberá unha charla sobre o autismo ás 20:30 h. impartida por D. Angel Carracedo, para asistir a dita charla hai que poñerse en contacto cos empresarios e inscribirse no teléfono 981818604 en horario de 10 a 14 h. de luns a venres, a través de whatsapp 633181817 ou ben por mail a correo@empresariosdesantacomba.com
O prazo para retirar os tickets e máis para inscribirse á charla é o 27 de maio.
