Compostela, 2 de marzo do 2018 – A Zona C de Bonaval acolle esta tarde un taller de creación sonora, pensando na conectividade e a interacción, impartido por Amine Asselman.
Asselman propón en este taller xerar sons a través da instalación para crear música a tempo real a partir dos micrófonos e os sensores que contén a instalación e dúas pedaleras de efectos.
A primeira pedalera é un ‘Dixital Delay’ que distorsiona os sons xerados e a segunda é un ‘Looper’ que permite repetir secuencias de son e sobrepolas. A idea é crear diferentes pistas de audio xeradas polos participantes unicamente a través da instalación. Sabendo que o principal obxectivo da instalación é que esta funciona como un dispositivo de conectividade e comunicación e que mellor maneira de comunicar e conectarse que o son e a música.
As sesións terán lugar de 16 a 18 horas e de 18 a 20 horas.
