Imaxe do concello de Padrón xerada con IA
Padrón, 19/06/2026 – O traballador do concello de Padrón condeado por acoso sexual, tal e como contabamos hai uns días, ven de ser suspendido de emprego e soldo. O alcalde, Anxo Arca, asinou o día que recibiu a sentenza o decreto que establece a medida, de aplicación inmediata.
A sentenza o condena ao traballador a seis meses de prisión e a prohibición de achegarse a menos de cincuenta metros da vítima, do seu domicilio, lugar de traballo ou calquera outro frecuentado pola mesma, ademais de prohibir que se comunique con ela durante ano e medio. A sentenza podería conducir ao despedimento do traballador.
Desde o goberno municipal indícase que “O Concello de Padrón actuou de forma inmediata unha vez coñecida oficialmente a sentenza e acreditada a culpabilidade do traballador condenado”. A vítima pedira no seu momento a apertura dun novo expediente xa que o traballador seguía achegandose a ela polo que o acoso continuaba pese á denuncia.
O gobeno municipal tamén di que “mentres non existía unha resolución firme, a Administración local mantivo un amplo conxunto de medidas preventivas e de protección da vítima propostas pola Comisión Instrutora do Protocolo de Acoso, integrada por catro mulleres traballadoras municipais”.
NU comunicado o goberno municipal explica algunhas das medidas tomadas durante esa etapa anterior á resolución “medidas organizativas para evitar ou minimizar o contacto entre a vítima e o traballador; cambios de vestiarios, limitación do uso de vehículos municipais, implantación dun sistema de fichaxe diferenciado entre os servizos, mantemento da zona de traballo asignada á vítima, evitando que tivese que modificar os seus hábitos laborais ou o establecemento de horarios laborais diferenciados e un control específico das entradas e saídas para impedir coincidencias entre ambas as persoas.
Tam-en se autorizou á vítima para que empregase un dispositivo telefónico corporativo destinado tanto ao control horario como ás comunicacións relacionadas co traballo, establecendo ademais que ese número non puidese ser facilitado ao condenado. UN dispositivo que ademais Tiña a aplicación coñecida como botón do pánico, que permite o envío inmediato dun aviso á Policía Local, ou ao GES en horario nocturno, coa localización exacta da persoa usuaria en caso de sentirse en situación de perigo.
O Concello de Padrón reafirma “o seu compromiso coa igualdade efectiva entre mulleres e homes, coa prevención de calquera forma de acoso e coa defensa dos dereitos e da liberdade das mulleres. Precisamente pola importancia estratéxica destas ferramentas para garantir unhas políticas públicas eficaces en materia de igualdade e prevención do acoso”.
Lembran ademais a aprobación do IV Plan de Igualdade Municipal e do novo Protocolo de Prevención e Actuación fronte ao Acoso, xa que o Concello levaba anos sen un plan vixente e cun protocolo desactualizado. Ambos documentos foron aprobados por unanimidade aos seis meses da constitución desta Corporación, co apoio de PSOE, PP e BNG.
O Concello de Padrón lamenta as manifestacións públicas realizadas sobre este caso que cuestionan a actuación municipal e defende que todas as decisións adoptadas responderon exclusivamente á protección da vítima e ao cumprimento das obrigas legais e das competencias que corresponden á Administración local.
Subliña tamén que a suspensión de emprego e soldo foi acordada o mesmo día en que os servizos xurídicos tiveron coñecemento oficial da sentenza condenatoria e lembra que, con anterioridade a esta resolución, xa viña aplicando un amplo conxunto de medidas preventivas e de protección da traballadora.
