Compostela, 8 de febreiro do 2021 – O colectivo SOS Sanidade pública emitiu una nota este domingo na que critica duramente ao Comité Clínico galego que xestiona a crise sanitaria.
A Plataforma de Defensa da Sanidade Pública forma parte da Federación de Asociaciones en Defensa de la Sanidad Pública e leva varios anos denunciando o desmantelamento do servizo.
A Plataforma alude na súa nota ao ” desconcerto e alarma xerado polos continuos cambios de criterio sobre confinamentos, toques de queda, vacinacións, peche de centros ou servizos” e critica que a xustificación sexa que son “decisións do Grupos de Técnicos Independentes”.
En varios puntos a Asociación indica que desde o seu punto de vista trátase dunha “Comisión de Expertos na que case a metade dos seus membros (47%) son cargos institucionais, cuxa designación fáise por criterios de afinidade política en lugar de pola súa experiencia ou coñecementos contrastados”.
Engaden que en ese comité falta persoal “experto en pandemias, dado que as especialidades directamente relacionadas ca actual, como coidados intensivos, laboratorio, xeriatría, pneumoloxía,… supoñen cada unha o 2,7%, do total, na mesma proporción de especialidades que pouco teñen que ver coa mesma e as súas consecuencias clínicas (uroloxía, dixestivo, cirurxía, oncoloxía,..)”.
A Plataforma fala tamén dos presuntos conflitos de intereses que se dan nunha maioría de membros que teñen vinculación con empresas farmacéuticas, incluíndo as que comercializan as vacinas para a Covid-19. Para o colectivo isto “fai que non sexa posible asegurar para quen traballan na comisión e que intereses defenden”
No Comité clínico, según SOS Sanidade, a atención primaria só ocupa o 11% e a enfermería só un 5% sendo ambos os dous servizos esenciais na xestión da pandemia. Consideran que esta crise ten que servir para aumentar a transparencia na sanidade pública e emprazan a Xunta a tomar medidas.
