Bisbarra, 5 de outubro do 2022 – A xustiza ven de estimar o recurso contencioso administrativo, presentado pola empresa Plenoil, que paralizaba a instalación dunha gasolineria no Barrio do Campo de Silleda.
En xaneiro do 2021 o concello alegaba ante a Xunta e una mes despois a Conselleira de Medio Ambiente resolveu que non procedía a declaración de incidencia ambiental en base ao informe do Concello. Plenoil decidiu entón presentar un recurso contencioso que agora foi estimado.
Na presentación do recurso o concello de Silleda compareceu como parte. O alcalde, Manuel Cuíña, di que “Imos a estudar co bufete de avogados que leva o caso este novo fallo, e así mesmo, dende o Concello realizaremos unha valoración exhaustiva da declaración de incidencia de impacto ambiental cando esa se formule”.
Do mesmo xeito, Cuiña lamenta que a empresa non accedera á proposta do goberno local de buscar un emprazamento alternativo para a gasolineira. “Non estamos en contra da libre competencia, nin desta instalación en particular, pero tal e como mantivemos dende o principio non nos parece o lugar axeitado para instalar unha estación de servicio”, indica o alcalde.
Neste senso, Manuel Cuiña volve a tender a man á firma para buscar outra ubicación “como por exemplo o entorno do polígono empresarial Área 33. Sempre dixemos que non nos gustaba a ubicación proposta, moi preto de vivendas e preto doutra estación de servizo ”, engade.
