займ срочно

A banda de Música de Silleda contará co espectáculo “Orquestra de Malabares” no concerto de Nadal

0

Bisbarra, 18 de decembro do 2023 – O Concerto de Nadal organizado pola Banda de Música Municipal de Silleda volta á axenda cultural o vindeiro sábado día 30, co espectáculo “Orquestra de malabares” como protagonista.

A cita, que terá lugar no pavillón 1 do recinto Semana Verde de Galicia, estará protagonizada pola la Banda de Música Municipal de Silleda e a compañía Pista Catro , que poñerán en escena un dos proxectos máis orixinais no ámbito escénico do circo que ten aos malabares como protagonistas..

Música e circo fusiónanse no escenario da man da compañía e os máis de 90 músicos que conforman a banda silledense, baixo a dirección de Rafa Agulló. O directo explica que “É un espectáculo familiar para todas as idades, que xa rodou por moitos teatros do estado e do estranxeiro”. Na presentación do evento Agulló estivo acompañado polo presidente da Banda, Herminio Gómez, e a concelleira de Cultura, Mónica González.

Agulló destacou ademais as boas críticas do espectáculo na súa recente xira o pasado mes de novembro por Sudamérica. “Xa levabamos uns anos con idea de traelo a Silleda, e por fin se deron as circunstancias para poder facelo”.

Orquestra de malabares é un espectáculo que pon en escena a 6 malabaristas e unha banda, un concerto onde os malabares se converten en bailaríns dun ballet aéreo. Clarinetes, saxofóns e trompetas son os pintores dun cadro expresionista no que as bolas, mazas e aros debuxan no aire os sentimentos e emocións que transmiten as dúas artes.

A banda e os seus compoñentes, fóra da súa zona de confort, participan case como actores nun espectáculo teatral tocando temas e estilos fóra do común. Estilos como o funk, blues, pop, punk poñerán a nota a este espectáculo único “que será como en anos anteriores a mellor antesala para despedir o ano e dar a benvida a 2024”, engade Agulló quen anticipa que tamén participarán como en anos anteriores os alumnos e alumnas da EMUSI así como outros artistas locais aportando un toque novidoso.

Venda de entradas

As entradas para asistir ao espectáculo poñeranse á venda ao público o vindeiro mércores día 20, cun prezo de 12 euros (10 euros para persoas socias). Poderán mercarse os días 20, 21 e 22, e os días 26, 27 e 28 nas instalacións da Escola de Música de Silleda, en horario de 19:00 a 21:00 horas.

Dende a Banda de Música Municipal o seu presidente, Herminio Gómez, agradeceu a colaboración da Anpa Musiquiños, o Concello de Silleda, a Fundación Semana Verde e a Deputación de Pontevedra na celebración do concerto.

A concelleira de Cultura, Mónica González, tamén destacou a aposta da Banda de Música Municipal de Silleda “que cada ano nos sorprende con espectáculos innovadores e de primeiro nivel no concerto de Nadal” e animou ao público a asistir a esta cita, que cumpre xa 23 edicións.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies