Silleda, 6 de febreiro do 2020 – Esta semana comezou a colocación dos detectores para o estudio e medición do gas Radón realizado polo Concello de Silleda en edificios públicos.
Esta iniciativa, que levará a cabo unha empresa especializada, 222 Radón, cun orzamento de 1.680 euros sen IVE, constará de dúas partes: unha técnica e outra relativa ao inventario de zonas de risco.
Silleda convértese en pioneiro ao ser dos primeiros en cumprir co decreto R.D.1439/2010 de 5 de Novembro polo que se modifica o Regulamento sobre protección sanitaria contra radiacións ionizantes.
Colocaránse un total de 48 detectores nas dependencias da Casa Consistorial, Centros Sociais dos Maiores de Silleda e A Bandeira, Ceips de Silleda e A Bandeira, e o Auditorio Manuel Dopazo
“Este é un primeiro muestreo e en función dos resultados, nun prazo estimado de 90 días, evaluaremos a continuidade do estudo”, indica o alcalde.
Galicia en xeral e o Concello de Silleda en particular son recoñecidos como zona de risco na concentración de gas radón, canceríxeno que se mide en Bequerelios e que se considera como límite aceptable a existencia de 300 bq por metro cúbico de aire.
O proceso consistirá na colocación de detectores, recollida, análises de resultados e medidas a adoptar en cada caso.
