Bisbarra, 22 de setembro do 2022 – O vindeiro luns día 26 volta a Silleda o programa Ler conta Moito cun obradoiro de podcast dirixido a maiores de dez anos.
O obradoiro que organiza Ler conta moito, programa no que participa a biblioteca municipal Daniel Castelao, centrarase nas ferramentas necesarias para facer podcast. Os participantes traballarán a escrita, edición e gravación dos audios, con técnicas de locución, teatro e dobraxe, traballando a lectura interpretativa, modulación e locución da voz.
As persoas interesadas poden informarse na propia biblioteca. A cita será ás 17:30 horas
O programa de fomento da lectura, que tamén contou con outro obradoiro o pasado mes de maio, continuará en Silleda o 24 de outubro, no Día das Bibliotecas, ca función “O baúl da tía tola”, para o público infantil.