Bisbarra, 22 de outubro do 2024 – A medida que chega novembro comeza o tempo dos magostos e remata o das romarías, o sábado a parroquia silledense de Breixa celebrará a vixésimo terceira festa da castaña.
A gastronomía volverá a ser protagonista en Silleda da man dun dos produtos típicos do outono. A XXIII Festa da Castaña de Breixa está organizada pola Asociación Cultural O Cruceiro de Breixa en colaboración co Concello de Silleda. Será a partir das 21.30 no campo da festa, que estará cuberto.
O menú está composto por touciño, castañas asadas, sobremesa, pan viño e café.
As entradas custan 15 euros e poden mercarse no Bodegón de Esther (Silleda); Bar Sanse, en O Castro; na taberna de Martixe e no centro cultural de Saídres.
A velada estará amenizada polo dúo Punto Zero. A comisión tamén sorteará dous lacóns entre os asistentes. Unha oportunidade de coñecer un lugar da bisbarra ao tempo que comezamos a saborear un dos mellores produtos de esta época do ano.
