займ срочно

Deza Circular, comeza o proxecto de formación e emprego de Silleda

0

Bisbarra, 9 de setembro do 2022 – O concello de Silleda, coa colaboración do de Vila de Cruces, abre a inscrición no proxecto de formación Deza Circular.

Tratase dunha acción formativa en materia de aproveitamento forestal e turismo de natureza que ten o obxectivo principal de crear un emprego de calidade. Deza Circular está dirixido a desempregados de toda Galicia e desenvolverase desde este mes ata novembro.

Concello de Silleda

A iniciativa inclúe formación práctica, orientación laboral e contacto con empresas innovadoras en economía forestal circular e o turismo sostible. A inscrición péchase o vindeiro luns e poden participar desempregados de calquera idade e con calquera nivel formativo previo.

Deza Circular divídese en tres partes comezando por Formación en aproveitamentos forestais e acondicionamento de espacios verdes. Este apartado formará no  desempeño de perfís profesionais relacionados con actividades de conservación e mellora do monte e espazos verdes.

Deza Recupera ofrecerá prácticas específicas orientadas á empregabilidade en conservación forestal e turismo sostible. Ao mesmo tempo realizaranse accións de mellora e recuperación de espazos naturais protexidos da Rede Natura 2000 en Silleda, como As Brañas de Xestoso e o Sistema Fluvial Ulla-Deza.

Finalmente Deza Orienta: orientará e capacitará no eido laboral. Traballarase na motivación  a empregabilidade e a busca  de emprego, o acompañamento, a intermediación laboral e o auto emprego. 

As dúas primeiras desenvolveranse polas tardes de forma presencial en Silleda, mentres que a acción de orientación laboral e capacitación para o emprego será polas mañás, en modalidade online e con unha duración flexible.

O proxecto conta con un orzamento  de 78.336,20 € e está financiado polo programa Emplea Verde, de Fundación Biodiversidade, co apoio do Ministerio para a Transición Ecolóxica e Reto Demográfico e cofinanciado polo  Fondo Social Europeo. Para a súa execución  contarase coa colaboración do Concello de Vila de Cruces e da Fundación Roberto Rivas.

 Presentación institucional o luns 12 de setembro

O próximo luns día 12 de setembro ás 11:00h. haberá unha presentación institucional do proxecto no  Viveiro de empresas do Concello de Silleda, no Parque Empresarial Área 33.

O alcalde de Silleda, Manuel Cuíña, abrirá o acto e seguidamente o equipo técnico do proxecto explicará as súas características, para logo dar paso ó inicio das accións de orientación e capacitación laboral durante a mañá e as accións de formación teórico-práctica pola tarde.

As persoas interesadas en participar podrán facer a súa inscrición ata o 12 de setembro.

Inscricións

A inscrición pode facerse a través da  páxina web do Concello de Silleda ou ben escribindo a emprego@silleda.gal.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies