Bisbarra, 14 de setembro do 2022 – O concello de Silleda ven de abrir a inscrición no Club de lectura feminista Máis Violeta.
Máis Violeta está coordinado polo Centro de Información á Muller (CIM) de Silleda e o departamento municipal de Igualdade, que dirixe Ángela Troitiño. Todas as persoas que queiran participar nas sesións, con xuntanzas cada quince días na biblioteca municipal Daniel Castelao, poden inscribirse dende o vindeiro xoves día 15 e ata o 28 deste mes.
Para formalizar a inscrición nesta iniciativa de dinamización lectora ca igualdade como protagonista, as persoas interesadas poden chamar ao 986 592037 ou ben enviar un mail a cim@silleda.es.
Dende Máis Violeta lémbrase que o feminismo, insertado na literatura é un poderoso vehículo de reivindicación e cohesión. Con esta premisa arranca unha segunda edición deste club de lectura, no que se compartirán experiencias e contidos para tratar de mudar as cousas, constituíndo unha comunidade baseada na sororidade e no feminismo.
Os títulos que se analizarán abordarán diferentes temáticas, sempre co obxectivo de crear debate e un pensamento crítico.