Bisbarra, 31 de agosto do 2022 – A compañía Caramuxo Teatro presenta este sábado, na Casa da Xuventude de Silleda a peza “zapatos”, pensada para nenos de 1 a 4 anos.
A función forma parte do proxecto o Primeiro Camiño dentro do programa “O teu Xacobeo”. Haberá dúas funcións de “Zapatos” ás 17:30 e ás 18:30 horas.
“Zapatos” é un espectáculo recomendado pola Rede Nacional de Teatro, e que obtivo ademais unha mención especial do xurado no Festival Internacional Val D’Albaida. Con esta actividade, dende o departamento municipal de Cultura ábrese a programación do mes de setembro, que contará con máis actividades para o público máis novo.
Caramuxo Teatro é unha compañía de teatro infantil e familiar creada na Coruña en 2003. Os seus espectáculos, cun carácter poético e visual, están ideados para desfrutar en familia, tendo unha especial responsabilidade co público máis novo, ademais de ser unha compañía pioneira en Galicia neste formato.