Boyanka Kostova, Lua de Santana e 9Louro seran os protagonista do evento que se celebrará na terraza da SGAE, no Parque de Vistalegre de Compostela, ovindeiro sábado.

A actividade cultural de Compostela non para en todo o ano e a partir de maio máis aínda, Agora tócalle a quedan á Sociedad General de Autores, a SGAE, que volve a organizar o Festival Acento. Será o vindeiro sábado día 21 a partir das 20:30 horas na terraza da socedade na Finca Vista Alegre.
Acento chega a súa sexta edición. A programación trata de ofrecer unha representación das “sonoridades urbanas na escena musical galega” en esta ocasión contarán co dúo compostelán Boyanka Kostova, a brasileira-viguesa Lua de Santana e o rimador 9Louro, de Muros.
O concerto é un evento de acceso público e gratuíto que conta co apoio da Xunta de Galicia a través da Axencia Galega das Industrias Culturais (AGADIC). Contará con servizo de bebidas e restauración grazas á colaboración de Cervezas Alhambra.
Horarios
20:30 horas: 9Louro
21:45 horas: Lua de Santana
23:00 horas: Boyanka Kostova

Boyanka Kostova
Pioneiros do trap galego, Boyanka Kostova son un dos grupos máis influentes da movida urbana de Galicia, evolucionando a un código raveiro e electrónico nos seus últimos traballos. O dúo que integran Chicho do Funk (Ortiga) e Cibrán García mete na cocteleira diferentes medidas de retranca, folclore e ritmos tradicionais; engádelles sons urbanos, contemporáneos e electrónicos, loops de efectos, samples e caixa de ritmos.
En 2024 publicaron o seu álbum máis recente, Foliada no inferno, e este mesmo ano estrearon cancións que fusionan o rap co bakalao, como “Europa do Oeste” ou “Popper na furgoneta”.
Lua de Santana
Nacida en Bahía (Brasil) e criada en Vigo, Lua de Santana é unha artista influenciada por SZA, Beyoncé e Nina Simone. O seu estilo, bañado polo pop, o soul e a música de club para bailar, non é doado de clasificar e logra unir raíces e modernidade. A Lua de Santana puidémola escoitar cantando con Nathy Peluso (no seu celebrado álbum Grasa, de 2024) ou con Recycled J (no seu novo San Jorge, Vol.2, publicado en 2025), pero brilla especialmente no seu EP Ginga (2024), que contén o tema titular a dúo con $kyhook ou o seu popular “Piri Piri”.
Lua de Santana ten cantado en salas e festivais de varios países. Este 2025 presentou o seu proxecto en importantes eventos de moda en Londres, París ou Madrid e chegará ao festival Acento 2025 logo de pasar polo Sónar en Lisboa e Barcelona.
9Louro
Do fértil viveiro musical de Muros chega 9Louro, o proxecto artístico de Martín Louro, nova sensación da música urbana galega. Co seu primeiro álbum, Nove noves, publicado a finais de 2024, propón unha colección de rimas frescas e honestas, versos viscerais rimados sobre o colchón da produción de Julián Otero “Yuly”. 9Louro séntese cómodo no trap, pero tamén coqueteando coa bachata e sempre en galego.
Este ano poderémolo ver en festivais como Osa do Mar (Burela) ou Nachiños Fest (Ferrol), pero antes pasará por Acento 2025 para presentarse ante o público compostelán.
