Bisbarra, 2 de outubro do 2024 – Para conmemorar o segundo aniversario da Vía Verde entre Cerceda e Oroso, a Deputación da Coruña organiza durante distintas actividades culturais, divulgativas e deportivas.
Con 26 quilómetros de lonxitude a través dos concellos de Cerceda, Tordoia, Ordes e Oroso, a Vía Verde Compostela Tambre Lengüelle é a maior Vía Verde de Galicia. Unha ruta que crecerá aínda máis cos 10 quilómetros desde e ata Santiago, cuxas obras se iniciaron o pasado mes de setembro e rematarán o vindeiro ano.
Para explicar o impacto turístico, social e económico da Vía Verde, a Deputación da Coruña organiza este xoves, 3 de outubro, no albergue da estación de Cerceda, unha xornada baixo o título “Da vía férrea á Vía Verde”.
En este encontro participará a directora da Asociación Europea de Vías Verdes, Mercedes Muñoz e a xerente das Vías Verdes na Fundación Española de Ferrocarriles, Arantxa Hernández, entre outros ponentes.
Os responsables das vías verdes de Montes de Hierro (Vizcaya) e Plazaola (Navarra) explicarán ademais as súas experiencias de éxito no eido da promoción turística e a mobilidade sustentable nos seus territorios.
Carreira da Vía Verde o 19 de outubro
A Vía Verde será tamén protagonista, o vindeiro 19 de outubro, da I Carreira Camiños da Vía Verde, unha proba de atletismo en ruta que organiza a Deputación da Coruña en colaboración coa Asociación de Concellos da Vía Verde Compostela Tambre Lengüelle e o Club Atletismo Tambre.
O evento está deseñado para a participación de todos os públicos, polo que constará de diferentes probas e distancias. Haberá unha carreira de 10 quilómetros, outra de 2 quilómetros e unha de 1 quilómetro. Para os máis pequenos a distancia será de 400 metros. E, por outra banda, terá lugar unha atractiva andaina popular de cinco quilómetros en ruta.
Máis de 300 persoas inscribíronse xa na carreira. A inscrición é gratuíta e permanece aberta na web www.carreirasgalegas.com.
O deputado de Deportes, Antonio Leira, lembrou o “gran potencial turístico e ambiental da maior Vía de Verde de Galicia, e ademáis un escenario idóneo para a unha proba deportiva coma esta, pensada para facela accesible a todos os públicos e idades”.
