Skip to content
Lindeiros

Lindeiros

Lindeiros, o xornal da bisbarra de Compostela e da súa capital,

Primary Menu
  • Xeral
  • Axenda
  • Concellos
  • Contacta
  • Compostela
  • Xeral

Santiago(é)Tapas enche Compostela de sabor

compostela santiago e tapas 20 febreiro 2026 (1)

Nos últimos anos, mesmo con cambio de datas incluído, Santiago(é)Tapas non deixou de crecer e mellorar. O concurso eleva o nivel e refina cada ano as preparacións que os locais presentan.

Santiago(é)Tapas convértese cada ao nunha oportunidade para descubrir sabores e elaboracións pero tamén locais e lugares da cidade polos que habitualmente un non transita.

Inauguración no Sendeiro

O XVII Santiago(é)Tapas, organizado por Turismo de Santiago co apoio da Deputación, botou a andar esta xoves no Sendeiro, un dos locais gañadores da pasada edición.

 Ao acto asistiron a alcaldesa de Compostela, Goretti Sanmartín, a concelleira de Turismo, Miriam Louzao, o vicepresidente da Deputación da Coruña, Xosé Regueira, e representantes da Corporación municipal e das entidades e empresas que patrocinan e colaboran co certame.

Medios de comunicación e convidados puideron probar o Boliño de faceiras e o Macarón de Santiago, as dúas tapas coas que participa o Sendeiro. Preparacións que sorprenden polo sabor e a presentación.

Un universo de gastronomía concentrada

Un total de 76 tapas (https://santiagoetapas.gal/tapas-2026/ ), oito máis que en 2025, de 48 locais, seis máis que na edición anterior, poderán degustarse en Compostela ata o 8 de marzo. Estes establecementos están distribuídos en oito (é)Tapas que levan nomes dos Camiños de Santiago (https://santiagoetapas.gal/etapas/ )

Hai tamén tres rutas de interese especial: doce, vexetariana e sen glute. Todas elas poden consultarse no Tapasporte que xa se pode recoller na Oficina de Turismo de Santiago (rúa do Vilar, 63) en horario de 10.00 a 18.00 h de luns a domingo; así como en todos os locais participantes.

Aquelas persoas que completen estas rutas ou (é)TAPAS no Tapasporte poderán gañar diversos premios, tales como agasallos especiais de Turismo de Santiago ligados a Compostela, produtos galegos de calidade diferenciada procedentes de DOP, IXP, Agricultura Ecolóxica e de Artesanía Alimentaria, de AGACAL; botellas de viño Ponte da Boga, cervexas Estrella Galicia ou lotes de Café Dromedario e ACEGA (asociación de persoas celíacas de Galicia); entre outros regalos.

Ademais, entre todas aquelas persoas que voten polas súas tapas favoritas a través dos QR que atoparán nos locais participantes, sortearase unha estadía de dúas noites con almorzo no Hotel Gaio 7 en Santiago, cortesía de Vimbio.

Premios

Entre todas as tapas que concursan neste XVII Santiago(é)Tapas outorgaranse, mediante o voto ponderado do xurado profesional e do público, tres galardóns principais:

Premio á Mellor Tapa Doce, dotado con 1000 euros e un agasallo especial de Café Dromedario.

Premio Compostela Gastronómica á Mellor Tapa Tradicional, dotada con 1000 euros.

Premio Deputación da Coruña á Mellor Tapa Creativa, dotada con 1000 euros. Esta tapa será a que representará a Santiago no concurso De tapas por Galicia organizado por Turismo de Galicia.

Ademais, outorgaranse varios premios adicionais, elixidos polo xurado profesional:

Premio Ponte da Boga á Mellor Tapa Maridada con Viño, dotado con 500 euros en produto.

Premio Estrella Galicia á Mellor Tapa Maridada con Cervexa, dotado con 500 euros en produto.

Premio Calidade Diferenciada á Mellor Tapa con produto de DOP, IXP, Produción Ecolóxica ou Artesanía Alimentaria, dotado cun lote de produtos da Axencia Galega de Calidade Alimentaria (AGACAL).

Premio Cash Record á Mellor Tapa Vexetariana/Vegana, dotado con 400 euros en produto.

Premio ACEGA á Mellor Tapa Sen Glute, dotado cun cheque de 200 euros para a compra de produtos sen glute.

O XVII Santiago(é)Tapas celebrarase ata o 8 de marzo. Organizado e promovido por Turismo de Santiago e encadrado dentro da marca “Compostela Gastronómica”, o concurso conta co apoio da Deputación da Coruña e ten como patrocinador principal á empresa Hijos de Rivera, a través das súas marcas Estrella Galicia, Ponte da Boga e Cabreiroá. Tamén colaboran a Axencia Galega de Calidade Alimentaria (AGACAL), o Mercado de Abastos de Santiago, Cash Record, Café Dromedario, a Asociación de persoas celíacas de Galicia (ACEGA), o CIFP Compostela, Allwork e Vimbio.

Post navigation

Previous: Brión aproba o novo Plan Integrado de Emprego
Next: Ames cara a unha cuestión de confianza

Máis novas

Un momento do pleno de Brion no que se destinou un millón de euros ao pago de facturas
4 minutes read
  • Xeral

Brión rebaixa a taxa do lixo

Rois: aprobadas en pleno a renovación de ordenanzas fiscais
3 minutes read
  • Xeral

Rois actualiza licencias e cede xestión á Deputación

Concello de A Estrada_DSC9226 slide_r
3 minutes read
  • Xeral

Reclama que se respete na Estrada a Lei de Memoria Democrática

compostela arco de mazarelos_good 7 novembro 2026
3 minutes read
  • Compostela

Unha nova vida para o Arco de Mazarelos

ateneo desafios intelixencia artificical 7 novembro 20226
2 minutes read
  • Xeral

Os desafíos da Intelixencia Artificial nos Luns do Ateneo

mancomunidade ordes saida patrimonio 5 novembro 2026
2 minutes read
  • Xeral

Nova saída para coñecer a Mancomunidade de Ordes

bng maes parquing milladoiro 6 novembro 2026
3 minutes read
  • Xeral

As incógnitas do aparcadoiro do Milladoiro

deputacion via verde remata en marzo 6 de novembro 2026 (1)
4 minutes read
  • Xeral

A Vía Verde podería estar rematada en marzo

Etiquetas

25N (53) alcaldes (78) asociacións e fundacións (2086) Ciencia (116) Comercio e empresa (665) Coronavirus (278) Crechas (38) Cultura (2831) Curtocircuito (40) Deportes (751) Economía (450) Educación (778) eleccions (50) Emprego (244) Entroido (42) Festas e Feiras (623) Festivais (837) Galego (146) Institucións (1441) lixo (88) Mancomunidade de Ordes (45) Mandingo (92) Medio Ambiente (1626) muller (187) Nadal (200) Obradoiro Cab (79) o máis lido da semana (55) Patrimonio (834) Plataforma Casalonga limpa de residuos (81) Plataforma Veciñal Mina Touro O Pino NON (42) Plenos (740) Politica (951) saúde (534) Servizos (2704) sindicatos (109) Social (567) sucesos (133) Tabernalia (184) Tecnoloxía (46) Transporte e estradas (703) Turismo (223) Universidade (588) urbanismo (265) xuntas de goberno (37) Xustiza (120)
  • Facebook
  • X
  • Instagram
  • BSky
  • Youtube
  • Whatsapp
Copyright © 2026 All rights reserved. | MoreNews by AF themes.

Utilizamos cookies propias e de terceiros para garantir o correcto funcionamento do sitio web, medir o seu uso e mellorar os nosos servizos. Podes aceptar todas as cookies, rexeitar as non necesarias ou configurar as túas preferencias. Política de cookies

Configure cookies

Necesarias para que o sitio web funcione correctamente. Non se poden desactivar desde este panel.

Axudan a medir o uso do sitio web e a mellorar os seus contidos.

Permiten publicidade, medición de campañas ou personalización de anuncios.

Gardan preferencias ou permiten contido externo non necesario.