Este domingo pechou a inscrición no Santiago(é)Tapas 2026 que será a décimo sétima edición. Case dous década nas que o concurso evolucionou e creceu e participantes e calidade.
Despois de deixar o mes de novembro e pasar a febreiro o Santiago(é)Tapas segue aumentando a participación de locais e o número de tapas que se poderán degustar. Un crecemento que chega, hai que lembrar, acompañado de máis esixencias do xurado.
Son en total 47 locais composteláns os inscritos no concurso que promove e organiza Turismo de Santiago, co apoio da Deputación da Coruña. Un número que supón 5 establecementos máis que na edición anterior. Cómpre destacar ademais que 12 destes locais non participaron no certame do 2025, o que amosa a capacidade do Santiago(é)Tapas para atraer novos establecementos.
Entre os 47 locais presentarán un total de 72 tapas ás probas de preselección que se celebrarán a semana que vén na Aula Gastrocultural do Mercado de Abastos. Esta cifra medra en 4 propostas con respecto ao ano pasado, consolidando así o interese e a implicación do sector hostaleiro nesta iniciativa.
O XVII Santiago(é)Tapas celebrarase do 19 de febreiro ao 8 de marzo. Organizado e promovido por Turismo de Santiago e encadrado dentro da marca “Compostela Gastronómica”, o concurso conta co apoio da Deputación da Coruña e ten como patrocinador principal á empresa Hijos de Rivera, a través das súas marcas Estrella Galicia, Ponte da Boga e Cabreiroá.
Tamén colaboran a Axencia Galega de Calidade Alimentaria (AGACAL), o Mercado de Abastos de Santiago, Cash Record, Café Dromedario, a Asociación de persoas celíacas de Galicia (ACEGA), o CIFP Compostela e Allwork.
