займ срочно

Santiago(é)Tapas comeza coas probas aos participantes

0

Compostela, 18 de xaneiro do 2024 – A Asociación Hostalaría Compostela abriu este mércores o proceso de preselección para o Santiago(é)tapas que se celebrará do 15 de febreiro ao 2 de marzo.

En esta primeira xornada de preselección o participante que presentou a súa proposta  foi Cacao, un dos locais de hostalería que se estrean nesta edición de Santiago(é)Tapas, presentada polo seu xefe executivo, o chef Alberto Lareo.

O inicio das probas tivo lugar nos locais da Asociación e asistiron como convidados a concelleira de Turismo, Míriam Louzao, a presidenta da Asociación Hostalaría Compostela, Sara Santos, e representantes de empresas e entidades patrocinadoras de Santiago(é)tapas, como Pedro López, Trade Marketing Horeca Hijos de Rivera, e Guillermo Fernández, delegado comercial de Hijos de Rivera; Bruno Hermida, promotor de vendas de Café Dromedario, e Miguel Sandá e Simón Quintela, xefe de zona e xerente de Cash Record Santiago.

Nesta edición, dende Turismo de Santiago tomouse a decisión de trasladar o concurso ao mes de febreiro a petición da Asociación Hostalaría Compostela, debido a que o mes de novembro tense xa consolidado como un mes con moita actividade para o sector.

Segundo destacou Míriam Louzao, “nesta edición contamos con 41 locais participantes, tres máis que os que houbo na pasada edición de novembro do 2022. Este aumento amosa que o cambio para febreiro foi unha decisión que permitirá darlle un novo pulo ao concurso e fomentar a desestacionalización neste mes de tempada baixa”.

A xerente de Turismo de Santiago apuntou que “dende a entidade municipal estamos facendo un esforzo moi importante para adaptarnos á petición da Asociación Hostalaría Compostela de cambiar de datas o concurso, pero confiamos que o cambio teña uns resultados positivos para o sector”.

Pola súa banda, Sara Santos, presidenta da Asociación Hostalería Compostela, agradeceu o apoio dos patrocinadores e mostrouse moi satisfeita por “volver atopar a moitos dos xa habituais do concurso, xunto a outros novos que se presentan este ano por primeira vez para demostrar a calidade da oferta hostaleira da cidade”.

Os patrocinadores, pola súa banda, coincidiron en destacar o valor da iniciativa que une as súas marcas á hostalería e mostráronse entusiasmados con esta nova edición que demostra “a consolidación e a evolución” do concurso.

Tamén asistiron á presentación representantes dalgunhas empresas colaboradoras como María José González, de Agacal; Nuria Colmenero, da Asociación Galega de Celíacos; o fotógrafo Javier Lima, de Vega Studio; e os profesores do CIFP Compostela, José Manuel Quintáns e Gonzalo Salgueiros, estes últimos encargados da preselección das tapas, entre outros.

Entre as novidades desta edición atópanse varios cursos de formación e sorteos de agasallos para os locais participantes no concurso. Así, o primeiro obradoiro, que se celebrará os días 29 e 30 de xaneiro, será un Curso de Iniciación Barista a cargo de Karen Quiroga, formadora de Café Dromedario, para o que xa está aberta a inscrición ata o 25 deste mes. O curso desenvolverase en quendas de dúas horas, entre as 09.30 e as 11.30 horas, e de 16.00 a 20.15 horas, estando limitado a 10 persoas por quenda, debendo formalizar as súas inscricións a través da web.

Tamén haberá en febreiro un curso sobre a evolución de cervexa e tiraxe perfecta a cargo de Carlos Ávila, técnico de Cultura de Cervexa en Hijos de Rivera, e outro sobre viños Ponte da Boga a cargo de persoal da devandita adega. Ademais, entre todos os locais inscritos, sortearase unha entrada dobre para visitar o Museo MEGA e unha noite para dúas persoas nun aloxamento de Alda Hotels.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies