займ срочно

Santiago faise co control da empresa Uninova

0

Compostela, 15 de febreiro do 2021 – O pleno municipal de Santiago aprobou a compra do 31% das accións da empresa Uninova co que faise con control da empresa ao posuír o oitenta por cento do total.

Uninova (Sociedade para a promoción de Iniciativas Empresariais Innovadoras, S.L.) naceu impulsada pola USC e o concello de Santiago. A empresa ofrece asesoramento, aceleración e soporte á creación de iniciativas empresariais fortemente innovadoras. Empresas como Devalar , Dehistoria ou GMA naceron ao aveiro de Uninova.

A empresa Uninova xestiona ademáis o Edificio Emprendia, con máis de 3.000 m2 de espazos de incubación dispoñibles para empresas altamente innovadoras e un ecosistema completo de apoio ao emprendemento.

Expediente de crédito

O Pleno do Concello de Santiago, reunido en sesión extraordinaria, aprobou por unanimidade o expediente de crédito extraordinario por importe de 57.198 euros, co que adquire o 31% do capital social de Uninova. O alcalde de Santiago, Xosé Sánchez Bugallo, explicou que “pasa a configurarse como medio propio, unha sociedade instrumental do concello de Santiago. O obxectivo é facerlle encomendas de xestión sen necesidade de concurso público, e coa finalidade de que lle poidamos transferir a parcela necesaria para a construción do centro de biotecnoloxía no Polígono da Sionlla”.

Pasos necesarios

Bugallo explicou tamén a necesidade de esta decisión para por en marcha o polo biotecnolóxico da Sionlla “a subvención da 4 millóns de euros concedida pola Xunta de Galicia con cargo a Fondos europeos, para a construción do laboratorio ten unha data límite, que é o 22 de xuño de 2022. Nesa data o laboratorio debe estar construído e a obra certificada. Para que isto sexa posible, temos que dar moitos pasos”.

Concello e Universidade terán que constituír agora a nova sociedade de xestión na que participarán a través de Uninova; transmitirlle a parcela da Sionlla, licitar a construción do centro e adxudicala; realizar a obra e certificala. Todo antes de xuño.

Convenio para a xestión da estación de autobuses

Tamén saíu adiante, cos votos a favor dos Grupo Socialista, o Grupo Popular e Compostela Aberta e a abstención do BNG, o convenio entre a Consellería de Infraestruturas e Mobilidade, o Concello de Santiago de Compostela, e a Sociedade Municipal de Xestión do Transporte Urbano de Santiago, SA (TUSSA) para a ordenación da xestión da explotación da estación de autobuses de Santiago de Compostela.

Un convenio que explicou no pleno o concelleiro de Mobilidade e Seguridade Cidadá, Gonzalo Muíños. O obxecto do texto aprobado é “ordenar as relacións de carácter patrimonial entre a Consellería de Infraestruturas e Mobilidade e o Concello de Santiago de Compostela para garantir a xestión da explotación da estación de autobuses de Santiago de Compostela”.

Santiago pasaría así a xestionar a explotación da estación de autobuses de Santiago de Compostela por un prazo de 25 anos, que comezará a computar desde a data de subscrición da acta de posta en servizo da estación de autobuses.

O alcalde recoñeceu que “foi unha negociación complexa”, e recordou que Santiago é a única cidade onde a xestión é municipal. Explicou que había dous requisitos básicos que se puxeron enriba da mesa: que a concesión tiña que ser por 25 anos, ata o ano 2046, “e iso condicionou que tivera que ser demanial, xa que se fora de servizos o prazo tiña que ser de 8 anos”. O segundo tema era a garantía do equilibrio económico da explotación. O que se propuña, indicou “era unha revisión cada cinco anos, pero o primeiro ano, pensamos, había que facer unha primeira revisión e despois estabilizalo en 5 anos”. Tamén se revisou outra cláusula, subliñou, na que “parecía que TUSSA ía ter a concesión directa da Xunta e entendiamos que tiña que ser o concello”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies