займ срочно

Santa Comba acolle o proxecto europeo “Xuventude e democracia”

0

Bisbarra, 1 de febreiro do 2024 – O concello de Santa Comba acolle desde este venres a iniciativa europea “xuventude e democracia: empoderar á próxima xeración de Europa”.

Delegados de 18 países levarán a cabo sesións de traballo, visitas e actividades variadas dirixidas a tecer redes entre comunidades diversas.  O alcalde de Santa Comba, Alberto Romar, amosase “extremadamente satisfeito de que fondos tan importantes e difíciles de conseguir como os do programa CERV – Rede de Cidades sexan xestionado por un concello do rural como o noso”.

Romar destaca que este tipo de proxecto abren moitas posibilidades  “Por un lado achegar Europa, as súas institucións e a súa xente, ao noso pobo. Por outro fomentar as múltiples posibilidades de colaboración, intercambio e promoción tanto idiomática como cultural entre países e realidades diferentes coas que doutro xeito sería moi difícil que se coñeceran”.  

A axenda deste primeiro evento, dunha serie de seis que se repartirán noutras localidades europeas, comezará cun acto aberto a toda a veciñanza, o sábado a partir das 11:30 no Auditorio Multiusos de Santa Comba. En este acto asinarase o acordo entre os distintos países no que tamén tomará parte o eurodeputado Nicolás Casares.

Previamente, o venres, a delegación, acompañada por alumnos do IES Terra de Xallas encargados de facer a presentación de España como anfitrión, visitará a sede da Deputación da Coruña onde, entre outras dinámicas de traballo, terá a oportunidade de afondar no coñecemento dos distintos programas que Europe Direct dedica á xuventude, aos intercambios e á promoción das institucións europeas. 

Santa Comba empezará así, como anfitriona e promotora, unha serie de eventos que terán parada ao longo de 2024 e 2025 en Hungría, Portugal, Croacia, Bulgaria e Malta, coa finalidade de difundir os valores europeos e, como anticipa o lema do proxecto, empoderar á xuventude fomentando o intercambio e o traballo conxunto co obxectivo de achegar a filosofía da Unión Europea e crear vínculos entre institucións e asociacións dos países participantes no proxecto. 

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies