Santa Comba, 25 de maio do 2020 – O pleno do concello de Santa Comba aprobou, co único voto en contra do alcalde, a reurbanización da Avenida de Santiago.
Psoe e PP apoiaron que a mellora dunha das principais entradas de Santa Comba fora incluído no POS+ da Deputación. O alcalde pola súa banda, que votou en contra, quería destinar todo o montante da Deputación a gasto corrente. A urxencia de esta aprobación ven dada porque o próximo venres remata o prazo para presentar as propostas ao ente provincial.
Diferentes criterios
O Psoe explicou na necesidade de este arranxo por ser unha das principais vías de acceso a vila. Pola súa banda o Partido Popular lembrou que levaran unha proposta similar en plans anteriores.
A posición de Compromiso x Galicia, formación á que pertence o alcalde, era destinar unha parte dos fondos a gasto corrente e outra a actividades de promoción da vila.
Plan económico financiero
O pleno serviu tamén para a aprobación do Plan Económico financieiro de Santa Comba; en este caso cos votos a favor do equipo de goberno, Psoe e CxG, e a abstención do Partido Popular.
As principais críticas por parte do Psoe se deberon a que o plan non pasou por comisións informativas ou de goberno pese a, en teoría, formar parte do goberno municipal.
Denegación de subvención a Costavales
O pleno denegou, cos votos de Psoe e CxG e a bastención do Partido Popular, unha subvención a asociación Costavales. A axuda estaba prevista para unha feira que foi anulada debido a crise polo Covid19. Todos os grupos consideraron que sería un agravio comparativo concedela si a feira non se celebra xa que outras axudas tamén foron canceladas.